21.05.2026 | 21:12
Հունական դատարանն Ադրբեջանի քաղաքացուն դատապարտել է 7 տարի 1 ամիս ժամկետով ազատազրկման՝ ՆԱՏՕ-ի ավիաբազան լրտեսելու համար
Սենատը հինգերորդ անգամ մերժել է Իրանում Թրամփի ռազմական լիազորությունները սահմանափակող օրինագիծը
Քաղաքականություն
23.04.2026 | 12:15
Հինգերորդ անգամ ԱՄՆ Սենատը մերժել է երկրի նախագահ Դոնալդ Թրամփի պատերազմական լիազորությունները սահմանափակելուն ուղղված օրինագիծը՝ Իրանում ապագա ցանկացած ռազմական գործողությունների համար Կոնգրեսի հաստատումը պահանջելով, գրում է CNN-ը։
Օրինագիծը չի ընդունվել ձայների 46 կողմ և 51 դեմ հարաբերակցությամբ։ Դեմոկրատ սենատոր Ջոն Ֆետերմանը միացել է հանրապետականներին՝ մերժելով այն, մինչդեռ հանրապետական սենատոր Ռենդ Փոլը քվեարկել է դեմոկրատների հետ։
Սենատի փոքրամասնության առաջնորդ Չակ Շումերն անցյալ շաբաթ հայտարարել էր, որ դեմոկրատները կանխատեսելի ապագայում ամեն շաբաթ մեկ քվեարկություն կանցկացնեն պատերազմական լիազորությունների վերաբերյալ։
Որոշ հանրապետականներ, ինչպիսիք են սենատորներ Թոմ Թիլիսը և Լիզա Մուրկովսկին, նշել են, որ պատրաստ են աջակցել ռազմական ուժի կիրառման թույլտվության վերաբերյալ քվեարկությանը, երբ հակամարտությունը հասնի 60-օրյա նշագծին, իսկ Սենատի Հանրապետական կուսակցության ղեկավարությունը չի բացառել այդ քայլը 90 օր անց, եթե հակամարտությունը մինչ այդ չավարտվի։
Այնուամենայնիվ, երկուշաբթի քվեարկության թույլտվության մասին հարցին Սենատի մեծամասնության առաջնորդ Ջոն Թունը պատասխանել է. «Ես դեռ չեմ տեսնում, որ դա տեղի ունենա»։
Թարգմանությունը՝ Էմմա Չոբանյանի
