10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Թրամփը հայտարարել է, որ Իրանի հետ պատերազմի «ժամանակացույց» չկա
Քաղաքականություն
23.04.2026 | 11:46
ԱՄՆ նախագահ Դոնալդ Թրամփը հայտարարել է, որ Իրանի հետ հակամարտության համար «ժամանակացույց չկա», նաև հերքել ենթադրությունները, որ քաղաքական նկատառումներն ազդում են իր մոտեցման վրա, գրում է CNN-ը։
Fox News-ի լրագրող Մարթա Մաքքալումի հետ հարցազրույցում նա նաև ասել է, որ երեքշաբթի կեսօրին իր կողմից երկարաձգված հրադադարի կամ նոր խաղաղության բանակցությունների անցկացման վերաբերյալ «ժամանակային ճնշում չկա»։ Հարցին՝ ե՞րբ կարող է ավարտվել պատերազմը, Թրամփը պատասխանել է, որ «ժամանակացույց» չկա, շտապողականություն էլ չկա։ Նախկինում նա ասել էր, որ պատերազմը կտևի չորսից վեց շաբաթ, բայց հիմա այն յոթերորդ շաբաթում է։
«Մարդիկ ասում են, որ ես ուզում եմ այն ավարտել միջանկյալ ընտրությունների պատճառով, ինչը ճիշտ չէ»,- ասել է Թրամփը՝ հավելելով, որ վարչակազմը ցանկանում է «լավ գործարք կնքել ամերիկյան ժողովրդի համար»։
Թրամփը խոստացել է շարունակել ԱՄՆ-ի կողմից Իրանի նավահանգիստների շրջափակումը, նույնիսկ հրադադարը երկարաձգելու պայմաններում՝ ստիպելու Թեհրանին ներկայացնել բանակցությունները վերսկսելու միասնական առաջարկ։
Թարգմանությունը՝ Էմմա Չոբանյանի
