13.05.2026 | 15:05
Մասիս-Էջմիածին խճուղում ծեծկռտուքի գործով 9 անձ է ձերբակալվել․ կրակոցներ չեն հնչել․ ՆԳՆ
«Շուն ու շանգյալ» բնորոշումը Փաշինյանից եմ լսել․ Գոհար Մելոյան․ ՏԵՍԱՆՅՈՒԹ
Քաղաքականություն
22.04.2026 | 17:57
Այսօր մեզ համար «Ուժեղ Հայաստանի» մեկնարկն է տրված, չնայած մի շարք խոչընդոտների, թիրախավորումների։ Այս մասին ԿԸՀ-ի մոտ լրագրողների հետ զրույցում նշեց «Ուժեղ Հայաստան» կուսակցության անդամ Գոհար Մելոյանը։
«Մենք, ինչպես պարոն Վարդևանյանը նշեց, բազմաթիվ մասնագետներով ուսումնասիրված, լրակազմված փաստաթղթերի ցանկ ենք ներկայացրել, որոնք իրավական տեսանկյունից խոցելիության խնդիր չունեն։ Մենք գնում ենք հաղթարշավի և գնում ենք բացարձակ մեծամասնական հաղթանակի ետևից։ Մենք գնում ենք, որպեսզի մեր հասարակության, մեր ժողովրդի ծանր սոցիալական վիճակը, անվտանգային լրջագույն մարտահրավերները ու այն փոփոխությունների պահանջները, որոնք վրա են հասել, ի վերջո, կյանքի կոչվեն ու հայ ժողովուրդը կարողանա ապրել ուժեղ Հայաստանում, ուժեղ առաջնորդի ղեկավարությամբ, ով Սամվել Կարապետյանն է»,- նշեց Մելոյանը։
Նրա խոսքով՝ Հակակոռուպցիոն կոմիտեի կողմից իրենց ուժի վերաբերյալ հրապարակված ձայնագրությունները փորձաքննությունների պետք է ենթարկվեն, որպեսիզ հասկանան՝ ում կողմից են դրանք իրականացված և ովքեր են այդ ձայնագրության մասնակիցները․ «Իսկ ինչո՞ւ հնարավոր չեք համարում, որ դրանք հնարավոր սադրիչներ են, որ մարդիկ են, ովքեր մեր քաղաքական ուժի հետ աղերս չունեն»։
Մանրամասները՝ տեսանյութում։
