22.04.2026 | 18:05
Հայաստանի Մ-17 հավաքականը խուսափեց պարտությունից ընտրական խաղում․ ՏԵՍԱՆՅՈՒԹ
Ռոնալդուն ու որդին կարող են դառնալ թիմակիցներ
22.04.2026 | 16:45
«Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուի ավագ որդի Կրիշտիանու կրտսերը հաջորդ մրցաշրջանից առաջ կարող է միանալ սաուդյան ակումբի գլխավոր թիմին, հաղորդում է Al Weeam-ը։
«Ալ Նասրում» նման տարբերակ են դիտարկում, քանի որ «Ոսկե գնդակի» 5-ակի դափնեկիրը ցանկանում է խաղալ որդու հետ միասին։ Հաջորդ մրցաշրջանից առաջ ակումբում կգնահատեն Կրիշտիանու կրտսերի մարզավիճակն ու որոշում կկայացնեն նրա ապագայի վերաբերյալ։
Այժմ պատանի ֆուտբոլիստը մարզվում է «Ալ Նասրի» ակադեմիայում է, որի կազմում 2022թ․ դեկտեմբերից խաղում է նրա հայրը։ Հունիսի 17-ին Կրիշտիանու կրտսերը կդառնա 16 տարեկան։
Կրիշտիանու Ռոնալդուի որդին նախկինում մարզվել է նաև անգլիական «Մանչեսթեր Յունայթեդի» ու Թուրինի «Յուվենտուսի» ակադեմիաներում։ 2025թ․ մայիսին Կրիշտիանու կրտսերը նաև հրավիրվել է Պորտուգալիայի Մ-16 հավաքական։
