25.06.2026 | 23:51
Արմեն Մելիքբեկյանը մտադիր չէ առաջադրվել ՀՖՖ նախագահի ընտրություններում
Իրանը հայտարարել է, որ Հորմուզի նեղուցով անցնող երկու նավ է առգրավել
Քաղաքականություն
22.04.2026 | 16:16
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Հորմուզի նեղուցում երկու նավ է առգրավվել և տեղափոխվել իրանական ջրեր, գրում է CNN-ը։
«Նավերը, ենթադրաբար, ընթացել են առանց համապատասխան թույլտվության, բազմիցս խախտել են կանոնակարգերը և մանիպուլյացիաներ են կատարել նավիգացիոն համակարգերով՝ այդպիսով վտանգելով ծովային անվտանգությունը՝ փորձելով գաղտնի դուրս գալ Հորմուզի նեղուցից»,- ասվում է ԻՀՊԿ-ի հայտարարության մեջ, որը հեռարձակվել է Իրանի պետական հեռուստատեսությամբ (IRIB)։
Նշվում է, որ նավերը կալանավորվել են և կանգնեցվել՝ «Իրանի ազգային իրավունքների պաշտպանությանը համապատասխան»։
Իրանական լրատվամիջոցները հայտնել են, որ երրորդ նավը՝ հունական սեփականության, ըստ տեղեկությունների, նույնպես թիրախավորվել է ԻՀՊԿ-ի կողմից և «այժմ շարքից դուրս է Իրանի ափերի մոտ»։
Առգրավումների վերաբերյալ անկախ հաստատում դեռևս չկա, սակայն Մեծ Բրիտանիայի ծովային երթևեկության կազմակերպությունն (UKMTO) ավելի վաղ հայտարարել էր, որ երկու կոնտեյներային նավերի վրա կրակ է բացվել։ Ըստ որոշ տեղեկությունների՝ նավերը նույնականացվել են որպես MSC Francesca և Epaminodes։
Թարգմանությունը՝ Էմմա Չոբանյանի
