27.07.2026 | 13:18
Պուտինը պատրաստվում է մոբիլիզացիայի, նա պատրաստ չէ դադարեցնել այս պատերազմը. Զելենսկի
Հայաստանի վարչապետը և Ադրբեջանի նախագահն այժմ լավ ընկերներ են. Ուիթկոֆ
Քաղաքականություն
22.04.2026 | 13:50
Ադրբեջանն ու Հայաստանը համաձայնության hասան ընդամենը վեց շաբաթվա ընթացքում։ Այս մասին հայտարարել է ԱՄՆ նախագահի հատուկ ներկայացուցիչ Սթիվ Ուիթկոֆը՝ Մայամիի համալսարանում կայացած Real Estate Impact ամենամյա համաժողովում անդրադառնալով հայ-ադրբեջանական կարգավորման գործընթացին, գրում են ադրբեջանական լրատվամիջոցները։
«Մենք այդ համաձայնագիրը կնքեցինք վեց շաբաթվա ընթացքում։ Նրանք (Ադրբեջանն ու Հայաստանը) 37 տարի կռվել են, և հիմա նրանք լավագույն ընկերներ են։ Ի դեպ, Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևն այժմ լավ ընկերներ են. նրանց մերձեցրել է ԱՄՆ նախագահ Դոնալդ Թրամփը։ Դա բավականին ուշագրավ է»,- ասել է Ուիթկոֆը։
2025 թվականի օգոստոսի 8-ին Վաշինգտոնում Հայաստանն ու Ադրբեջանը նախաստորագրել են երկրների խաղաղության պայմանագիրը ԱՄՆ-ի միջնորդությամբ։ Կողմերը նաև տարածաշրջանային հաղորդակցության ուղիների ապաշրջափակման և այլ հարցերի շուրջ պայմանավորվածություններ են ձեռք բերել։
Թարգմանությունը՝ Էմմա Չոբանյանի
