14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
ՌԴ Սամարայի մարզում ուկրաինական ԱԹՍ-ի հարձակումից հետո շենքի մուտքը փլուզվել է. վիրավորներ կան
Քաղաքականություն
22.04.2026 | 11:05
ՌԴ Սամարայի մարզի Սիզրան քաղաքում ուկրաինական անօդաչու թռչող սարքն ապրիլի լույս 22-ի գիշերը հարվածել է չորս հարկանի բնակելի շենքի, հայտնել է Սամարայի մարզի արտակարգ իրավիճակների նախարարությունը։ Շենքի մուտքերից մեկն ավերվել է, գրում է Meduza-ն։
11 մարդ, այդ թվում՝ 2 երեխա, վիրավորվել է։ Արտակարգ իրավիճակների նախարարությունը հայտնել է, որ փլատակներից դուրս է բերվել 4 մարդ, այդ թվում՝ մեկ երեխա։
Astra-ն, որը տեղորոշել է դեպքի վայրից կադրերը, հաղորդում է, որ վնասվել է Աստրախանյան փողոցի 8 հասցեում գտնվող տունը։ «Ռոսնեֆտ»-ի Սիզրանի նավթավերամշակման գործարանը, որը նախկինում բազմիցս ենթարկվել է ուկրաինական անօդաչու թռչող սարքերի հարձակմանը, գտնվում է հենց այս փողոցում։
Ըստ ուկրաինական Exilenova+ ալիքի՝ Սիզրանում անօդաչու թռչող սարքերի հարվածներից տուժել է նաև մեկ այլ բնակելի շենք։
Ռուսաստանի պաշտպանության նախարարությունը հայտարարել է, որ ապրիլի լույս 22-ի գիշերը ոչնչացվել է ուկրաինական 155 անօդաչու թռչող սարք։
Թարգմանությունը՝ Էմմա Չոբանյանի
