05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Ուկրաինան ավարտել է «Դրուժբա» նավթամուղի վերանորոգումը
Քաղաքականություն
21.04.2026 | 21:39
Ուկրաինայի նախագահ Վլադիմիր Զելենսկին հայտարարել է, որ «Դրուժբա» նավթամուղի վերանորոգումն ավարտվել է։ Նա նշել է, որ խողովակաշարն այժմ պատրաստ է վերսկսել աշխատանքը, գրում է Current time-ը։
«Չնայած ներկայում ոչ ոք չի կարող երաշխավորել, որ խողովակաշարային ենթակառուցվածքների վրա Ռուսաստանի հարձակումները չեն կրկնվի, մեր մասնագետներն ապահովել են խողովակաշարային համակարգի և սարքավորումների շահագործման վերսկսման հիմնական պայմանները»,- հավելել է Զելենսկին։
Նա նշել է, որ այս քայլը կապված է ԵՄ-ի կողմից տրամադրվող 90 միլիարդ եվրոյի աջակցության հետ։ Եվրոպացի դաշնակիցները նախատեսում են առաջին մասնաբաժինн ուղարկել մայիսի վերջին կամ հունիսի սկզբին։
«Դրուժբա» նավթամուղը հունվարից ի վեր անգործության է մատնված։ Ուկրաինան պնդում էր, որ այն փակվել է ռուսական անօդաչու թռչող սարքի հարձակումից հետո։ Հունգարիան և Սլովակիան կասկածում էին, որ Կիևը հետաձգում է վերանորոգումը։
Ավելին, Ուկրաինան մի քանի շաբաթով արգելել էր Եվրոպական հանձնաժողովի անկախ տեսուչների մուտքը կառույց, ինչը շփոթություն էր առաջացրել ԵՄ երկրներում։
Թարգմանությունը՝ Էմմա Չոբանյանի
