26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Թրամփը հայտարարել է` Իսրայելն իրեն չի համոզել Իրանի հետ պատերազմի մեջ մտնել
Քաղաքականություն
20.04.2026 | 23:00
ԱՄՆ նախագահ Դոնալդ Թրամփը հայտարարել է, որ Իսրայելը չի համոզել իրեն պատերազմ սկսել Իրանի հետ՝ Իսրայելի վարչապետ Բենիամին Նեթանյահուի կողմից ԱՄՆ նախագահի որոշման վրա ազդեցության մասին լուրերից և աջակողմյան մեկնաբանների քննադատությունից հետո։
«Իսրայելը երբեք չի համոզել ինձ պատերազմ սկսել Իրանի հետ, հոկտեմբերի 7-ի արդյունքներն ամրապնդեցին իմ ողջ կյանքի կարծիքը, որ Իրանը երբեք չի կարող միջուկային զենք ունենալ»,- գրել է Թրամփը Truth Social-ում։
Նա նշել է, որ չի հավատում կեղծ մեկնաբաններին ու հարցումներին։ Ըստ Թրամփի՝ նրանց ասածի «90%-ը ստեր ու հորինված պատմություններ են, իսկ հարցումները կեղծված են, ինչպես կեղծված էին 2020 թվականի նախագահական ընտրությունները»։
«Ինչպես Վենեսուելայի արդյունքները, որոնց մասին լրատվամիջոցները չեն սիրում խոսել, այնպես էլ Իրանի արդյունքները զարմանալի կլինեն։ Եվ եթե Իրանի նոր առաջնորդները խելացի լինեն, Իրանը կարող է ունենալ հիանալի և բարգավաճ ապագա»,- հայտարարել է ԱՄՆ նախագահը։
The New York Times-ը բացահայտել էր Բենիամին Նեթանյահուի՝ Սպիտակ տան իրավիճակների սենյակում ունեցած ռիսկային ելույթի մանրամասները, որտեղ, ըստ պարբերականի, նրան հաջողվել է համոզել Թրամփին Իրանի հետ պատերազմի սրման հետ կապված մի շարք կանխատեսումների մեջ, որոնք մեծ մասամբ չիրականացան։
Թարգմանությունը՝ Էմմա Չոբանյանի
