28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Ավետիք Չալաբյանը՝ «5165 ազգային պահպանողական շարժում» կուսակցության նվիրատու
Քաղաքականություն
20.04.2026 | 17:07
«5165 ազգային պահպանողական շարժում» կուսակցությունն անցած տարի 472 հազար դրամ նվիրատվություն է ստացել։ Ըստ Կոռուպցիայի կանխարգելման հանձնաժողով ներկայացված տարեկան հաշվետվության՝ սա կուսակցության միակ ֆինանսավորումն է եղել, անդամավճարներ կամ այլ մուտքեր չեն եղել։ Ընդ որում՝ այդ նվիրատվության մեծ մասը՝ 440 հազար դրամը, կատարել է «Հայաքվե» ազգային քաղաքացիական միավորման համակարգող Ավետիք Չալաբյանը։
2025-ին կուսակցությունը ծախսել է 619 հազար դրամ։ Դրանից 306 հազարը ծախսվել է հարկեր, տուրքերի գծով, 5090 դրամը՝ պարտքերի և միջնորդավճարի ծախս է, իսկ թե ինչ նպատակով է ծախսվել մնացած 306 հազար դրամը, կուսակցությունը հաշվետվությունում չի ներկայացրել։
Նշենք, որ ապրիլի 17-ին պետք է տեղի ունենար «5165 ազգային պահպանողական շարժում» կուսակցության համագումարը, սակայն այն չի կայացել։ Կուսակցության նախագահի ժամանակավոր պաշտոնակատար Մենուա Սողոմոնյանը Factor.am-ի հետ զրույցում նշեց, որ առաջիկա խորհրդարանական ընտրություններին միայնակ չեն մասնակցելու։
Գայանե Խաչատրյան
