26.10.2026 | 16:50
Հաջիևը հայտարարել է, թե Հայաստանն ու հայ հասարակությունը «պետք է ներողություն խնդրեն ադրբեջանցիներից»
ՌԴ ԱԴԾ-ն հայտարարել է Գերմանիայի քաղաքացու ձերբակալման մասին՝ ահաբեկչություն նախապատրաստելու մեղադրանքով
20.04.2026 | 14:13
ՌԴ Անվտանգության դաշնային ծառայությունը (ԱԴԾ) հայտարարել է «Ստավրոպոլի երկրամասի իրավապահ մարմինների օբյեկտում» ահաբեկչական հարձակում խափանելու մասին, որը, ենթադրաբար, պլանավորել է «1969 թվականին ծնված Գերմանիայի քաղաքացի», գրում է Meduza-ն։
ԱԴԾ հայտարարության մեջ ընդգծվում է, որ ձերբակալվածը կին է, գործել է «ուկրաինական հետախուզական ծառայությունների հրահանգներով»։ ԱԴԾ-ն հայտարարել է, որ հարձակումը նախատեսված էր իրականացնել «առավոտյան ժամերին՝ իրավապահ մարմինների աշխատակիցների շրջանում զոհերի թիվը մեծացնելու համար»։
Հայտարարության համաձայն՝ Գերմանիայի քաղաքացուհին ռումբ էր տեղափոխում «Պյատիգորսկի իրավապահ մարմինների կենտրոն»։ Պայթուցիկ սարքը «հայտնաբերվել և արգելափակվել է ռադիոէլեկտրոնային պայքարի համակարգերի կողմից», հայտարարել է Ռուսաստանի հատուկ ծառայությունը։ Նշվում է, թե պայթուցիկ սարքը նախատեսված էր հեռակառավարմամբ պայթեցնելու «Կենտրոնական Ասիայի հանրապետություններից մի քաղաքացու» կողմից։ Նա նույնպես ձերբակալվել է։
ԱԴԾ-ն չի բացահայտում ձերբակալվածների անունները՝ նշելով միայն, որ երկուսն էլ խոստովանական ցուցմունք են տվել։
Թարգմանությունը՝ Էմմա Չոբանյանի
