03.08.2026 | 17:21
927 մլն դոլար․ Սարդ-մարդու մասին նոր ֆիլմը տարվա ամենաեկամտաբեր մեկնարկն է գրանցել կինովարձույթում
Մալխաս Ամոյանը` Եվրոպայի լավագույն հունահռոմեական ոճի ըմբիշ, Արմեն Բաբալարյանը` լավագույն մարզիչ
19.04.2026 | 14:45
Փարիզ-2024 Օլիմպիական խաղերի բրոնզե մեդալակիր, աշխարհի կրկնակի ու Եվրոպայի քառակի չեմպիոն Մալխաս Ամոյանը ճանաչվել է 2025թ․ Եվրոպայի լավագույն հունահռոմեական ոճի ըմբիշ, հաղորդում է Ըմբշամարտի միջազգային ֆեդերացիայի (UWW) մամուլի ծառայությունը։
Հաղթողի անունը հայտնի է դարձել Ըմբշամարտի եվրոպական կոնգրեսի ընթացքում։
Հայաստանի հավաքականը գլխավորող Արմեն Բաբալարյանն էլ ճանաչվել է 2025թ․ Եվրոպայի հունահռոմեական ոճի ըմբշամարտի լավագույն մարզիչ։
Անցյալ տարի Մալխաս Ամոյանը դարձել էր աշխարհի ու Եվրոպայի չեմպիոն ու հաղթել Վարշավայում կայացած Poland Open մրցաշարում։ Պաշտոնական մրցումներում 27-ամյա ըմբիշը պարտություն չունի 2025 թվականին։
