04.06.2026 | 20:39
Գերմանիան առաջին անգամ չի ընտրվել ՄԱԿ-ի ԱԽ ոչ մշտական անդամ․ դրա համար Բեռլինը մեղադրում է ՌԴ-ին
Արման Ծառուկյանը վստահ հաղթանակ է տարել RAF-ում․ ՏԵՍԱՆՅՈՒԹ
19.04.2026 | 10:53
UFC-ի թեթև քաշային կարգի դասակարգման երկրորդ համար Արման Ծառուկյանը հերթական հաղթանակն է տարել RAF (Real American Wrestling) լիգայում։
Ֆիլադելֆիայում կայացած RAF 08 մրցաշարում հայ մարտիկը ազատ ոճի ըմբշամարտի կանոններով մրցել է ամերիկացի Յուրայա Ֆայբերի հետ ու վստահ հաղթանակի հասել 13։1 հաշվով։ Մենամարտն անցկացվել է միջին քաշային կարգում (79 կգ)։
Հիշեցնենք, որ 29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Այնուհետև նա մարտին երկու անգամ հաղթել էր ամերիկացի ըմբիշ և բլոգեր Ջորջիո Պուլասին (5։3, 9։3)։ Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
46-ամյա Ֆայբերը խառը մենամարտերում հանդես է եկել 2003-2019 թվականներին, տարել է 35 հաղթանակ ու կրել 11 պարտություն։ Նա եղել է UFC-ի տիտղոսի հավակնորդ, բայց չորս անգամ պարտվել է չեմպիոնական մենամարտերում։
