27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
Իրանը կրկին փակել է Հորմուզի նեղուցը
Քաղաքականություն
18.04.2026 | 13:50
Իրանի իշխանությունները հայտարարել են, որ Հորմուզի նեղուցը կրկին գտնվում է երկրի զինված ուժերի «խիստ հրամանատարության և վերահսկողության տակ», հաղորդում է Associated Press-ը։
Իրանի զինված ուժերի համատեղ հրամանատարությունը հայտարարության մեջ զգուշացրել է, որ կխոչընդոտի Հորմուզի նեղուցով նավագնացությունը, քանի դեռ Միացյալ Նահանգները շրջափակում է իրանական նավահանգիստները։
Նախագահ Դոնալդ Թրամփը երեկ հայտարարել էր, որ Միացյալ Նահանգները կշարունակի շրջափակել իրանական նավահանգիստները։ Նա նշել էր, որ շրջափակումը կշարունակվի մինչև Իրանը համաձայնության չգա Միացյալ Նահանգների հետ, ի թիվս այլ հարցերի, Թեհրանի միջուկային ծրագրի վերաբերյալ։
Ապրիլի 17-ին Իրանը հայտարարել էր, որ բացում է Հորմուզի նեղուցը, որի միջով սովորաբար անցնում է աշխարհի նավթի մեկ հինգերորդը, նավագնացության համար։ Սա տեղի ունեցավ այն բանից հետո, երբ Իսրայելը հրադադարի մասին համաձայնագիր կնքեց լիբանանյան «Հեզբոլլահ» զինյալ խմբավորման հետ։ Իրանի արտաքին գործերի նախարարությունը հայտարարեց, որ նեղուցը բաց կմնա այնքան ժամանակ, քանի դեռ հրադադարը ուժի մեջ է։ Սակայն ԱՄՆ-ն չի վերացրել իրանական նավահանգիստների շրջափակումը։
