16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Բավակա՛ն է. Թրամփը հայտարարել է, որ ԱՄՆ-ն «արգելել է» Իսրայելին ռմբակոծել Լիբանանը
Քաղաքականություն
17.04.2026 | 21:43
ԱՄՆ նախագահ Դոնալդ Թրամփը հայտարարել է, որ «Իսրայելը այլևս չի ռմբակոծի Լիբանանը»։ Այս մասին նա գրել է սոցցանցում, հաղորդում է DW-ն։
«ԱՄՆ-ն արգելում է նրանց դա անել։ Բավական է արդեն»,- հավելել է Թրամփը։
Նա նշել է, որ ԱՄՆ-ն առանձին կաշխատի Լիբանանի հետ և կլուծի «Հըզբոլլահ»-ի հետ կապված իրավիճակը։
Մեկ այլ գրառմամբ Թրամփն անդրադարձել է Հորմուզի նեղուցին։
«Իրանը, ԱՄՆ-ի օգնությամբ, հեռացրել կամ հեռացնում է բոլոր ծովային ականները։ Հիմա, երբ Հորմուզի նեղուցի շուրջ ստեղծված իրավիճակն ավարտվել է, ես զանգ ստացա ՆԱՏՕ-ից՝ հարցով՝ արդյո՞ք մեզ օգնություն է պետք։ Ես նրանց ասացի, որ հեռու մնան, եթե չեն ուզում իրենց նավերը նավթով լցնել։ Երբ նրանց կարիքը կար, նրանք անօգուտ էին, ինչպես թղթե վագրերը»,- հայտարարել է է ԱՄՆ նախագահը։
Առանձին գրառմամբ Թրամփը շնորհակալություն է հայտնել Սաուդյան Արաբիային, ԱՄԷ-ին և Կատարին՝ «իրենց մեծ քաջության և օգնության համար»։
Ավելի վաղ Դոնալդ Թրամփը ողջունել էր Հորմուզի նեղուցի բացման վերաբերյալ Իրանի հայտարարությունը, սակայն ընդգծել, որ Իրանի ծովային շրջափակումը կշարունակվի։
Թարգմանությունը՝ Էմմա Չոբանյանի
