17.04.2026 | 17:10
Խաբիբ Նուրմագոմեդովը նշել է իր սրտի ֆուտբոլային ակումբը
Չկա դեպք, որ ասեն՝ ԿԸՀ նախագահը այսինչ զազրելի արարքը արել է, թույլ է տվել ապօրինություն․ Հովակիմյան․ ՏԵՍԱՆՅՈՒԹ
17.04.2026 | 15:49
Ազգային ժողովում Կենտրոնական ընտրական հանձնաժողովի նախագահ Վահագն Հովակիմյանը եզրափակիչ ելույթում անդրադարձավ իր պաշտոնավարմանը, քաղաքական չեզոքությանը, ինչպես նաև ընտրական գործընթացների վերաբերյալ հնչող քննադատություններին։
«Տասից ավելի ՏԻՄ ընտրություններ ենք կազմակերպել, այդ թվում՝ Երևանի ավագանու ընտրությունները, և չկա մեկ դեպք, որը կմատնանշվեր, օրինակ, ԿԸՀ նախագահը արել է այսինչ զազրելի բանը կամ Կենտրոնական ընտրական հանձնաժողովը թույլ է տվել որևէ ապօրինություն։ Հասկանո՞ւմ եք, երեքուկես տարի, 2022 թվականից ձևավորված Կենտրոնական ընտրական հանձնաժողովն աշխատել և իրացրել է օրենսդրությամբ իրեն վերապահված պարտականությունները և բոլոր խնդիրներով հանդերձ չունենք այնպիսի փաստ, որը կարող է քաղաքական բանավեճի շրջանակներում անգամ որպես բացասական երևույթ ներկայացվել»,- ասաց Հովակիմյանը։
Նա հորդորեց պատգամավորներին և առաջիկա ընտրություններին մասնակցել պատրաստվող քաղաքական գործիչներին՝ զերծ մնալ ԿԸՀ-ի և ընտրական համակարգի հեղինակությունը վնասող հայտարարություններից։
Մանրամասները՝ տեսանյութում։
