17.04.2026 | 17:10
Խաբիբ Նուրմագոմեդովը նշել է իր սրտի ֆուտբոլային ակումբը
«Բարսելոնան» նոր պայմանագիր է առաջարկել Ֆլիկին
17.04.2026 | 15:24
Կատալոնական «Բարսելոնան» նոր պայմանագիր է առաջարկել թիմի գլխավոր մարզիչ Հանս-Դիտեր Ֆլիկին, գրում է Mundo Deportivo-ն։
Պայմանագիրը նախատեսված է մեկ մրցաշրջանով և ունի ևս մեկ տարով երկարաձգելու հնարավորություն։ Կողմերն արդեն փոխհամաձայնության են եկել, սակայն գերմանացի մասնագետը կարծում է, որ հիմա այն կնքելու համար լավագույն պահը չէ, քանի որ պետք է նոր պայմանագրին արժանանալ արդյունքներով։
61-ամյա Ֆլիկը 2024 թվականից է գլխավորում կատալոնական ակումբը, որի հետ դարձել է Իսպանիայի չեմպիոն, գավաթակիր ու կրկնակի սուպերգավաթակիր։ Նրա գործող պայմանագրի ժամկետը լրանում է 2027թ․ ամռանը։
Իսպանիայի առաջնության 31-րդ տուրից հետո «Բարսելոնան» գլխավորում է մրցաշարային աղյուսակը և 9 միավոր առաջ է երկրորդ տեղում գտնվող Մադրիդի «Ռեալից»։
