02.11.2026 | 21:31
Հայաստանի մի շարք հասցեներում էլեկտրաէներգիայի անջատումներ կլինեն
Ձեր պատասխանատվության գոտով է Ադրբեջանը հասել Շուշի, Բերձոր, ՀՀ սահմաններ․ Օհանյանը՝ Փաշինյանին․ ՏԵՍԱՆՅՈՒԹ
Քաղաքականություն
17.04.2026 | 12:55
«Ձեր պատասխանատվության գոտով է Ադրբեջանը հասել Շուշի, Բերձոր, ՀՀ սահմաններ»,- այս մասին ասաց ԱԺ «Հայաստան» խմբակցության ղեկավար Սեյրան Օհանյանը՝ դիմելով վարչապետ Նիկոլ Փաշինյանին։
Օհանյանն իր ելույթը սկսեց՝ հակադարձելով իշխանության ներկայացուցիչների այն թեզերին, թե Հայաստանը միայն հիմա է անկախանում։
«Հայաստանը եղել է անկախ և կլինի անկախ. դուք գյուտ ու հայտնագործություն չեք արել։ Վերջին 30 տարում Հայաստանը միշտ էլ եղել է ինքնիշխան, Արցախի հետ անվտանգ և միջազգային հարթակներում հավասարը հավասարի պես հանդես եկող պետություն»,- հայտարարեց նա։
Անդրադառնալով ռազմական ոլորտին՝ նախկին պաշտպանության նախարարը մեղադրեց գործող իշխանությանը ոչ ադեկվատ կառավարման մեջ։ Նա նշեց, որ իշխանությունը փորձում է պատասխանատվությունը գցել գեներալների վրա, մինչդեռ բանակը մեկ ամիս շարունակ պահել է պաշտպանական գիծը։
«Պաշտպանության բանակը 283 կմ պաշտպանության գոտի է ունեցել, 265-ը մինչև հոկտեմբերի 27-ը՝ մեկ ամիս, պահել են։ Այն տարածքո՞վ են ձեր ասած գեներալները փախել։ Ես գտնում եմ, որ այդ պատասխանատվությունը հենց ձեր վրա է։ Այդ 44-օրյա պատերազմի զեկույցը ինչո՞ւ չեք հրապարակում»,- ասաց Օհանյանը։
Մանրամասները՝ տեսանյութում։
