06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Վահան Կոստանյանն Անթալիայի դիվանագիտական ֆորումում կմասնակցի Հարավային Կովկասին նվիրված քննարկման
Քաղաքականություն
17.04.2026 | 14:15
ՀՀ արտաքին գործերի փոխնախարար Վահան Կոստանյանն Անթալիայում անցկացվող դիվանագիտական համաժողովում այսօր կմասնակցի «Հարավային Կովկաս. ձևավորվող ռազմավարական հանգույց» խորագրով պանելային քննարկմանը, տեղեղկանում ենք ֆորումի պաշտոնական կայքից։
Քննարկմանը մասնակցելու են նաև Ադրբեջանի նախագահի օգնական Հիքմեթ Հաջիևը, Վրաստանի կառավարության աշխատակազմի ղեկավար Լևան Ժորժոլիանին և Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը։ Քննարկումը տեղի կունենա Երևանի ժամանակով 18:30-ին։
Նշվում է, որ Հարավային Կովկասն առանձնանում է որպես ռազմավարական հանգույց, որտեղ հատվում են էներգետիկ և առևտրային միջանցքները, այն ժամանակ, երբ համաշխարհային ուժերի հավասարակշռությունը փոխվում է, անորոշությունները խորանում են։
Տարածաշրջանի աշխարհաքաղաքական և տնտեսական աճող նշանակությունը կայունության պահպանումը դարձնում է կարևոր թե՛ տարածաշրջանային երկրների, թե՛ գլոբալ դերակատարների համար։ Հաղորդվում է, որ քննարկման նպատակն է գնահատել տարածաշրջանի աճող դերը՝ ռազմավարական միջանցքների և խաղաղության ճարտարապետության շրջանակում ապագա հնարավորությունների լույսի ներքո, և ուսումնասիրել, թե ինչպես կարող է այս դինամիկան նպաստել Հարավային Կովկասի ապագայի քարտեզագրմանը։
Թարգմանությունը՝ Էմմա Չոբանյանի
