13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
Սա գրողի ձեռքը քաղաքականապես կտրելու ենք, որ նման մտքեր չգրի. Ռուբինյանը՝ դաշնակցականների 004 շրջաբերականի մասին․ ՏԵՍԱՆՅՈՒԹ
Քաղաքականություն
17.04.2026 | 12:29
ԱԺ փոխխոսնակ Ռուբեն Ռուբինյանը խորհրդարանի ամբիոնից մեջբերումներ արեց ՀՅԴ «004» շրջաբերականից, որտեղ, ըստ նրա, ընդդիմությունն ընդունելի է համարում Հայաստանի ինքնիշխանության աստիճանի որոշակի նվազումը՝ հանուն նոր միութենական պետության ձևավորման։
«Ասում են՝ դե նորմալ է, այս դարում մոդա է, որ ինքնիշխանության մակարդակը նվազի։ Ես չգիտեմ՝ ով է սա գրել, բայց մենք քաղաքականապես կտրելու ենք էս գրողի ձեռքը, որ ինքն էսպիսի հիմար մտքեր էլ չկարողանա գրել»,- ասաց նա։
Փոխխոսնակը պնդեց, որ Արցախում 2023 թ. տեղի ունեցած իշխանափոխությունը հենց այս շրջաբերականի և ընդդիմության ծրագրի արդյունքն էր։ Ըստ նրա՝ ստիպելով Արայիկ Հարությունյանին հրաժարական տալ՝ ընդդիմությունը ճանապարհ բացեց Լեռնային Ղարաբաղի լուծարման համար։
«Իրենց դրածոն այնտեղ ստորագրեց Լեռնային Ղարաբաղի լուծարման փաստաթուղթը։ Սա է տեղի ունեցել։ Սա է բխել ընդդիմության ծրագրից։ Ընդդիմությունը ծրագրում էր մի բան, ստացել ենք Ղարաբաղի հայաթափում՝ լիակատար»,- դիմելով ընդդիմադիրներին՝ ասաց Ռուբինյանը։
Մանրամասները՝ տեսանյութում։
