17.08.2026 | 15:44
ՌԴ-ում քրգործ է հարուցվել «Դոժդ»-ի հիմնադիր Նատալյա Սինդեևայի դեմ՝ «անցանկալի» կազմակերպություն հիմնելու համար
ԱՄՆ-ը, հավանաբար, կհետաձգի զենքի մատակարարումը եվրոպական երկրներին Իրանի հետ պատերազմի պատճառով. Reuters
Քաղաքականություն
17.04.2026 | 12:02
ԱՄՆ-ը եվրոպացի գործընկերներին հայտնել է, որ նախկինում կնքված պայմանագրերով զենքի որոշ մատակարարումներ, հավանաբար, կհետաձգվեն, քանի որ Մերձավոր Արևելքում պատերազմը սպառում է ամերիկյան պաշարները։ Այս մասին գրում է Reuters-ը՝ հղում անելով մի քանի աղբյուրների, փոխանցում է Meduza-ն։
Գործակալության աղբյուրների փոխանցմամբ՝ ուշացումները կանդրադառնան նաև Բալթյան և Սկանդինավյան երկրների վրա։ Հայտնի չէ, թե զենքի որ տեսակների վրա սա կազդի։
Ըստ Reuters-ի՝ մատակարարումները ներառում են տարբեր տեսակի զինամթերք, այդ թվում՝ այնպիսիք, որոնք կարող են օգտագործվել ինչպես հարձակողական, այնպես էլ պաշտպանական նպատակներով։ Խոսքը Foreign Military Sales (FMS) ծրագրի մասին է, որի շրջանակում օտարերկրյա երկրները գնում են ամերիկյան զենք՝ ԱՄՆ կառավարության լոգիստիկ աջակցությամբ և համաձայնությամբ։
Դոնալդ Թրամփի օրոք Սպիտակ տունը ՆԱՏՕ-ի եվրոպական դաշնակիցներին ակտիվորեն մղում էր ավելի շատ ամերիկյան տեխնիկա գնելուն, այդ թվում՝ FMS-ի միջոցով։ Սակայն նման մատակարարումները հաճախ ուշանում են, ինչը նյարդայնացնում է Եվրոպային, որը սկսում է այլընտրանքներ փնտրել։
Թարգմանությունը՝ Էմմա Չոբանյանի
