07.09.2026 | 13:01
Այսօր՝ անձրև և ամպրոպ, վաղվանից՝ առանց տեղումների եղանակ
«Արսենալի» ու «Յուվենտուսի» նախկին դարպասապահը մահացել է ավտովթարից
16.04.2026 | 18:38
Լոնդոնի «Արսենալի», Թուրինի «Յուվենտուսի» և Ավստրիայի հավաքականի նախկին դարպասապահ Ալեքսանդր Մանինգերը մահացել է ավտոպատահարի հետևանքով, հաղորդում է ավստրիական «Զալցբուրգ» ակումբի մամուլի ծառայությունը։
Դժբախտ պատահարը տեղի է ունեցել Զալցբուրգ քաղաքի մոտակայքում։ Այս մանրամասներ չեն հաղորդվում։
48-ամյա Մանինգերն «Արսենալի» կազմում 1997/1998 մրցաշրջանում դարձել է Անգլիայի չեմպիոն, իսկ «Յուվենտուսի» հետ Իտալիայի չեմպիոն է հռչակվել 2011/2012 խաղաշրջանում։ Կարիերայի ընթացքում դարպասապահը հանդես է եկել նաև «Զալցբուրգում», իտալական «Ֆիորենտինայում», «Բոլոնիայում», «Տորինոյում», «Ուդինեզեում», «Սիենայում», իսպանական «Էսպանյոլում», անգլիական «Լիվերպուլում» ու այլ ակումբներում։ Ավստրիայի հավաքականի կազմում Մանինգերը խաղացել է 1999-2009 թվականներին։
