25.10.2026 | 01:23
Հայաստանը հաղթեց «Մանկական Եվրատեսիլ»-ում
Լիբանանի նախագահը հրաժարվել է խոսել Նեթանյահուի հետ. CNN
16.04.2026 | 18:47
Լիբանանի նախագահ Ջոզեֆ Աունը հրաժարվել է խոսել Իսրայելի վարչապետ Բենիամին Նեթանյահուի հետ, CNN-ին հայտնել է լիբանանցի պաշտոնյան։ Մինչդեռ ԱՄՆ նախագահ Դոնալդ Թրամփը հայտարարել է, որ երկու առաջնորդները պատրաստվում են պատմական բանակցություններ վարել։
«Մենք Ամերիկային ասել ենք, որ պատրաստ չենք այդ քայլին»,- CNN-ին ասել է պաշտոնյան։
Լիբանանի պաշտոնյաներն Իսրայելին և ԱՄՆ-ին ասել են, որ չեն ձգտի հետագա բանակցություններ վարել՝ մինչև Իսրայելի և «Հըզբոլլահ»-ի միջև հրադադարի հասնելը։ Իսրայելի անվտանգության կաբինետը չորեքշաբթի հանդիպել էր՝ հնարավոր հրադադարը քննարկելու համար։
Այսօր ավելի վաղ իսրայելցի պաշտոնյաները հայտարարել էին, որ Նեթանյահուն և Աունը պետք է զրուցեն՝ այն բանից հետո, երբ Իսրայելն ու Լիբանանը այս շաբաթ Վաշինգտոնում անցկացրեցին իրենց առաջին անմիջական բանակցությունները ավելի քան չորս տասնամյակ անց։
Թրամփը ևս ասել էր, որ Իսրայելի և Լիբանանի առաջնորդները կզրուցեն՝ առանց որևէ մանրամասնություն տալու, թե որտեղ կամ ինչպես են հաղորդակցվելու։
Իսրայելը հայտարարել է, որ դեռևս չի ձգտում ավարտել պատերազմը Իրանի կողմից աջակցվող խմբավորման հետ։ Ռազմական գործողությունների զոհ է դարձել ավելի քան 2167 մարդ, տեղահանվել է 1,2 միլիոն բնակիչ։
Թարգմանությունը՝ Էմմա Չոբանյանի
