ԱՄՆ զորքերը պատրաստ են վերսկսել մարտական ​​գործողությունները. Հեգսեթը զգուշացնում է Իրանին

Եթե ​​Իրանը չհամաձայնի գործարքին, «ենթակառուցվածքների, էլեկտրացանցերի և էներգետիկ համակարգերի հրթիռակոծությունը» կվերսկսվի։ Պենտագոնում կայացած ճեպազրույցի ժամանակ այս մասին հայտարարել է ԱՄՆ պատերազմի նախարար Փիթ Հեգսեթը։

«Դուք՝ Իրա՛ն, կարող եք ընտրել բարգավաճ ապագա, ոսկե կամուրջ, և մենք հույս ունենք, որ դուք դա կանեք Իրանի ժողովրդի համար։ Բայց եթե Իրանը սխալ ընտրություն կատարի, ապա նրանք կունենան շրջափակում և ռումբեր կթափվեն ենթակառուցվածքների, էներգետիկայի և էներգետիկայի վրա»,- հայտարարել է Հեգսեթը։

Նա նաև ասել է, որ Վաշինգտոնը կարգելի բոլոր նավերի նավարկությունը Հորմուզի նեղուցում գտնվող իրանական նավահանգիստներ՝ «այնքան ժամանակ, որքան անհրաժեշտ է»։

«Այնքան ժամանակ, որքան անհրաժեշտ է, մենք կպահպանենք այս հաջող շրջափակումը։ Բայց եթե Իրանը սխալ ընտրություն կատարի, ապա նրանք կունենան շրջափակում և ռումբեր կթափվեն ենթակառուցվածքների վրա»,- ասել է Հեգսեթը՝ հավելելով, որ Ֆինանսների նախարարությունը նույնպես «առավելագույնի է հասցնում տնտեսական ճնշումը»։

ԱՄՆ բարձրաստիճան զինվորական գեներալ Դեն Քեյնն էլ նշել է, որ շրջափակումը «վերաբերում է բոլոր նավերին՝ անկախ պատկանելությունից, որոնք ուղևորվում են դեպի կամ դուրս են գալիս իրանական նավահանգիստներ»։

«Այս դադարի ընթացքում ես կցանկանայի ընդգծել, որ Միացյալ Նահանգների միացյալ ուժերը մնում են դիրքավորված և պատրաստ խոշոր մարտական ​​գործողությունները վերսկսելուն»,- ասել է նա։

Շաբաթավերջին Իսլամաբադում պատերազմի ավարտի հարցով բանակցությունների ձախողումից հետո ԱՄՆ նախագահ Դոնալդ Թրամփը հրամայել է ռազմածովային շրջափակում սահմանել իրանական նավահանգիստների վրա՝ փորձելով Թեհրանին ստիպել ընդունել Վաշինգտոնի կողմից խաղաղության համաձայնագրի պայմանները։

Թարգմանությունը՝ Էմմա Չոբանյանի