16.04.2026 | 20:42
Ընտրակաշա՞ռք, թե՞ աշխատավարձ․ «Ուժեղ Հայաստան»-ից 14 անձ է ձերբակալվել, նոր գաղտնալսում է հրապարակվել. ՏԵՍԱՆՅՈՒԹ
Ֆրանսիան ազատ է արձակել ռուսական «ստվերային նավատորմին» պատկանող լցանավը, որը կալանվել էր մարտին
Քաղաքականություն
16.04.2026 | 17:08
Ֆրանսիայի իշխանությունները թույլատրել են Deyna լցանավին, որը ռուսական «ստվերային նավատորմի» մաս է կազմում, լքել Մարսելի նավահանգիստը, հայտնում է Maritima-ն։ Նավը ծով է դուրս եկել ապրիլի 16-ին և այժմ ուղևորվում է դեպի միջազգային ջրեր, գրում է Meduza-ն։
Deyna լցանավը կարողացել է լքել նավահանգիստը, երբ Մարսելի դատարանը դիտարկել է դրա սեփականատիրոջ դեմ «կեղծ դրոշի» հայցը: Նավատիրոջը չի հաջողվել ապացուցել Մոզամբիկի դրոշը բարձրացնելու իր իրավունքը, որի ներքո նավարկում էր լցանավը: Դատարանը նշանակել է տուգանք, որի չափը չի հստակեցվում: Իր հերթին, լցանավի սեփականատերը համաձայնվել է հնարավորինս արագ շտկել խախտումները:
Մարտի 20-ին Ֆրանսիայի նախագահ Էմանուել Մակրոնը հայտարարել էր Մուրմանսկից Մոզամբիկի դրոշի ներքո նավարկող լցանավի կալանավորման մասին: Նա նշել էր, որ այն Ռուսաստանի «ստվերային նավատորմի» մաս է, որը խախտում է պատժամիջոցները և ծովային օրենքը: Մակրոնն ընդգծել էր, որ Ֆրանսիան թույլ չի տա, որ նման նավերը Ռուսաստանին շահույթ ապահովեն նավթի առևտրից, որն օգտագործում է Ուկրաինայի հետ պատերազմը ֆինանսավորելու համար։
Եվրոպական երկրները բազմիցս կալանել են ռուսական նավթ տեղափոխող «ստվերային նավատորմի» լցանավերը, որոնք շրջանցում են Արևմուտքի պատժամիջոցների, սակայն դեպքերի մեծ մասում նման նավերը հետագայում ազատ են արձակվում։
Թարգմանությունը՝ Էմմա Չոբանյանի
