13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
Եթե նույնիսկ հաղթի Սամվել Կարապետյանը, նա վերադարձնելո՞ւ է Ղարաբաղը․ Սերգեյ Մարկեդոնով․ ՏԵՍԱՆՅՈՒԹ
Քաղաքականություն
16.04.2026 | 20:30
«AZAL ավիաընկերության ինքնաթիռի հետ կապված պատմության քաղաքական մասը կարելի է փակված համարել»,- հայտարարել է МГИМО-ի առաջատար գիտաշխատող Սերգեյ Մարկեդոնովը Factor TV-ին տված հարցազրույցում։
Նրա խոսքով՝ Ադրբեջանը ձգտում է պահպանել արտաքին քաղաքական հավասարակշռություն՝ կարևոր գործընկերներ համարելով ինչպես Ռուսաստանին, այնպես էլ Իրանին, միաժամանակ, նրա շահերը լիովին չեն համընկնում Թուրքիայի շահերի հետ։ Մարկեդոնովը նաև ընդգծել է, որ Իրանի գործողությունները ցույց տվեցին ԱՄՆ-ի հնարավորությունների սահմանները, ինչն ազդեցություն է ունենում նաև Հարավային Կովկասում ընթացող գործընթացների վրա։
Այս համատեքստում փորձագետը կարծիք է հայտնել, որ TRIPP նախաձեռնությունը, առնվազն ժամանակավորապես, կարող է կորցնել իր արդիականությունը, առավել ևս՝ մոտ ապագայում ԱՄՆ-ի ուշադրությունը կենտրոնացած կլինի այլ ուղղությունների վրա։ Անդրադառնալով հաղորդակցությունների ապաշրջափակմանը՝ նա նշել է, որ Ռուսաստանի փոխվարչապետ Ալեքսեյ Օվերչուկի այցերը կապված են ոչ միայն տնտեսության և տրանսպորտային նախագծերի, այլև ուղղակիորեն սահմանների դելիմիտացիայի և դեմարկացիայի գործընթացների հետ։ Միաժամանակ, նրա խոսքով, TRIPP-ն ավելի շատ գաղափար է, մինչդեռ Հարավկովկասյան երկաթուղին արդեն գոյություն ունեցող իրականություն, թեկուզ և տնտեսական տեսանկյունից բարդ։
Մարկեդոնովի կարծիքով՝ Ռուսաստանի մասնակցությամբ այլընտրանքային նախաձեռնությունները կարող են ավելի իրատեսական լինել՝ հաշվի առնելով Ռուսաստանի աշխարհագրական մերձավորությունը։ Միևնույն ժամանակ, նա ընդգծել է, որ Ռուսաստանի հետ հարաբերությունները կարևոր կմնան Հայաստանի համար ընտրությունների ցանկացած արդյունքի դեպքում։ Նույնիսկ Սամվել Կարապետյանի հնարավոր հաղթանակը չի հանգեցնի Ղարաբաղի վերադարձին և չի փոխի արտաքին քաղաքականության հիմնական սահմանափակումները, եզրափակել է Մարկեդոնովը։
Հարցազրույցն ամբողջությամբ՝ տեսանյութում։
Սամվել Մելիքսեթյան
