07.08.2026 | 12:56
Բռնցքամարտի Հայաստանի երիտասարդական հավաքականների կազմերը ԵԱ-ում
Նույն կասկածանքով են. Ղազինյանը` Արտաշատի գրասենյակից բերման ենթարկվածների մասին. ՏԵՍԱՆՅՈՒԹ
Քաղաքականություն
16.04.2026 | 14:32
«Առաջինը՝ թուլության նշան է, երկրորդը՝ ռեպրեսիաներ են, որոնք սպասելի են»,- այս մասին Հակակոռուպցիոն կոմիտեի բակում լրագրողների հետ զրույցում ասաց «Ուժեղ Հայաստան Սամվել Կարապետյանի հետ» դաշինքի անդամ Դավիթ Ղազինյանը՝ անդրադառնալով առավոտից իրենց քաղաքական ուժի անդամներին և աջակիցներին բերման ենթարկելու գործընթացին. «Եթե ձգտում ես իշխանության ու, նամանավանդ, իշխանությունը այսպիսի թույլ իշխանություն է, բնականաբար, պետք է դիմեն այդ միջոցներին։ Ամեն դեպքում կարծում եմ՝ ժողովրդի համար այդ փուչիկը պայթեց, որ իրենք ժողովրդի կողմից վստահություն ունեցող իշխանություն են այս պահին»։
Հիշեցնենք՝ վաղ առավոտից իրավապահները խուզարկություններ էին իրականացնում «Ուժեղ Հայաստան» կուսակցության անդամների և համակիրների տներում, ինչից հետո մի քանիսին բերման են ենթարկել։ Ավելի ուշ Հակակոռուպցիոն կոմիտեն հայտնեց, որ «Ուժեղ Հայաստան» կուսակցության 14 համակիր է ձերբակալվել՝ ընտրակաշառք տալու և ստանալու մեղադրանքներով: Նրանց թվում է նաև կուսակցության Արտաշատի գրասենյակի ղեկավարը։
«Այս պահի դրությամբ մենակ Արտաշատից եմ տեղյակ, բայց նաև շատ ինֆորմացիաներ ունեմ, որ ներքին կարգով հրավիրում են մարդկանց տարբեր կառույցներ պետական, իրավապահ, խոսում են հետները, հորդորում են չգիտեմ և այլն, և այլն, որոնք ոչ օֆիցիալ տարբերակով են, ռեպրեսիաներ են ամեն դեպքում»,- նշեց Դավիթ Ղազինյանը։
Մանրամասները՝ տեսանյութում։
