05.06.2026 | 09:40
Արմեն Աշոտյանի մասնակցությամբ Բրյուսովի գույքի գործով 7 անձի ձերբակալելու որոշում է կայացվել․ ՔԿ
14 անձ է ձերբակալվել ընտրակաշառք տալու և ստանալու մեղադրանքով. ՀԿԿ
Հասարակություն
16.04.2026 | 13:18
ՀՀ հակակոռուպցիոն կոմիտեում քննվող քրեական վարույթի շրջանակում ընտրակաշառք տալու և ստանալու մեղադրանքներով ձերբակալվել է 14 անձ: Տեղեկությունը Factor.am-ին հայտնել է Հակակոռուպցիոն կոմիտեի մամուլի խոսնակ Մարինա Օհանջանյանը: Նշվում է, որ անհրաժեշտության դեպքում կտրվի լրացուցիչ տեղեկատվություն:
Ավելի վաղ Factor TV-ի հետ զրույցում «Ուժեղ Հայաստան Սամվել Կարապետյանի հետ» դաշինքի անդամ Մարիաննա Ղահրամանյանն ասել էր․ «Այս պահի դրությամբ, իմ տեղեկություններով, 11 անձ մեր կուսակցությունից բերման է ենթարկվել»։
«Արդեն մի քանի օր է «Ուժեղ Հայաստան» կուսակցության դեմ քաղաքական հետապնդումները, ռեպրեսիաները արդեն քրեական գործիքակազմով իրականացվում են, և սա հերթական դրսևորումն է։ Այս պահի դրությամբ, իմ տեղեկություններով, 11 անձ մեր կուսակցությունից բերման է ենթարկվել։ Ավելի վաղ ահազանգեր ստացանք, որ իրավապահ մարմինները խոչընդոտներ են ստեղծել փաստաբանների համար, նրանց թույլ չեն տվել մոտենալ և իրենց պարտականությունները կատարել։ Ահազանգերից հետո կարծես թե փաստաբաններից մի քանիսին այս պահին հաջողվել է մուտք գործել։ Իմ տեղեկություններով՝ էլի նույն անհեթեթ մեղադրանքն է, իբրև թե բարեգործական գործունեության արգելքի հետ կապված, այդ նույնն է, ինչ որ առաջադրվել էր «Ուժեղ Հայաստան» կուսակցության անդամ Գոհար Ղումաշյանին, և սա այդ նույն գծի շարունակությունն է։ Սա փորձ է քրեական գործիքակազմով փորձել վախեցնել մեզ և այդպիսով խոչընդոտել մեր գործունեությանը։ Սա նաև փորձ է իշխող ուժի համար, իրենց համար իբրև թե հիմքեր ապահովել, որպեսզի կարողանան փորձել չգրանցել մեր ուժը, այսինքն՝ ամեն ինչ շատ պարզ է, նպատակները մեզ համար շատ հասկանալի են, բայց կրկնեմ՝ մենք կանգ չենք առնելու, մենք չենք վախենալու այս շինծու քրեական գործերից»,- մանրամասնում է դաշինքի անդամ Մարիաննա Ղահրամանյանը։
Մանրամասները՝ տեսանյութում։
