17.08.2026 | 16:54
Միլլենիալներ, Gen Z թե՞ Gen Alpha. ինչպե՞ս են տարբեր սերունդները պատրաստվում նոր ուսումնական տարվան. Idram&IDBank
Գերմանիան հաստատել է Իսրայել 7,8 միլիոն դոլարի զենքի արտահանումը
Քաղաքականություն
16.04.2026 | 14:04
Գերմանիան հաստատել է Իսրայել 7,8 միլիոն դոլարի զենքի արտահանումը Իրանի պատերազմի առաջին շաբաթներին։ Այս մասին են վկայում կառավարության տվյալները, գրում է DW-ն։
Էկոնոմիկայի նախարարության կողմից Ձախ կուսակցության հարցումներին պատասխանել են, որ գումարը ներառում է փետրվարի 28-ից մարտի 27-ն ընկած ժամանակահատվածում հաստատումները։
Այս արտահանման ծավալը մնացել է համեմատաբար ցածր՝ նախորդ ամիսների համեմատ: Ըստ dpa գործակալության՝ անցյալ տարվա նոյեմբերին Գազայի պատերազմի ժամանակ սահմանված սահմանափակումները մեղմացնելուց հետո շուրջ չորս ամսվա ընթացքում Գերմանիան թույլատրել է 167 միլիոն եվրոյի ռազմական արտահանում։
Գազայում Իսրայելի գործողությունների նկատմամբ աճող քննադատության ֆոնին՝ Գերմանիայի կառավարությունը օգոստոսին որոշում կայացրեց կասեցնել ռազմական տեխնիկայի արտահանումը, որը կարող էր օգտագործվել հակամարտության մեջ։
Նշվում է, որ այս մասնակի էմբարգոն քննադատության է արժանացել ինչպես Իսրայելում, այնպես էլ Գերմանիայի իշխող պահպանողական դաշինքի ներսում։ Այն վերացվեց մոտ երեքուկես ամիս անց՝ Իսրայելի և ՀԱՄԱՍ-ի միջև հրադադարի համաձայնագրի կնքումից հետո։
Թարգմանությունը՝ Էմմա Չոբանյանի
