06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ուկրաինական ԱԹՍ-ների գրոհի հետևանքով Տուապսեում երկու երեխա է զոհվել
Քաղաքականություն
16.04.2026 | 11:15
ՌԴ Կրասնոդարի երկրամասի Տուապսե քաղաքում ուկրաինական անօդաչու թռչող սարքերի հարձակման հետևանքով զոհվել է երկու երեխա՝ 5 և 14 տարեկան։ Վիրավորվել է նաև երկու մեծահասակ, հայտնել է Կրասնոդարի երկրամասի նահանգապետ Վենիամին Կոնդրատևը, գրում է Meduza-ն։
Ըստ նրա՝ Տուապսեում անօդաչուների բեկորների ընկնելու հետևանքով վնասվել է հինգ մասնավոր տուն և մեկ բնակելի շենք։ Բեկորներն ընկել են նավահանգստի մոտ գտնվող բիզնես տարածքների վրա։
Անօդաչու թռչող սարքի բեկորները ընկել են նաև Սոչիի Լոո գյուղում: Երկհարկանի մասնավոր տան տանիքը վնասվել է, պատուհանները կոտրվել են: Վիրավորներ չկան։
Ականատեսների տեսագրությունների հիման վրա Astra-ն եզրակացրել է, որ անօդաչու թռչող սարքի հարձակումը հրդեհ է առաջացրել Տուապսեի նավթավերամշակման գործարանում:
Ռուսաստանի պաշտպանության նախարարությունը հայտնել է, որ Բելգորոդի, Սմոլենսկի, Կուրսկի, Բրյանսկի և Օրյոլի մարզերում, Կրասնոդարի երկրամասում, բռնակցված Ղրիմում, ինչպես նաև Սև և Ազովի ծովերում գիշերը ՀՕՊ համակարգերը խոցել են ուկրաինական 207 անօդաչու թռչող սարք։
Թարգմանությունը՝ Էմմա Չոբանյանի
