13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
Booking.com-ը տեղեկացրել է հաճախորդներին իրենց անձնական տվյալների արտահոսքի մասին
Հաղորդաշարեր
15.04.2026 | 21:28
Booking.com հյուրանոցների ամրագրման ծառայությունն օգտատերերին զգուշացրել է տվյալների հնարավոր արտահոսքի մասին: Ընկերությունը հայտարարել է, որ երրորդ կողմերը, հնարավոր է, չարտոնված մուտք են ստացել անցյալ կամ ապագա ամրագրումների վերաբերյալ տեղեկատվությանը, գրում է Current time-ը՝ վկայակոչելով BBC-ին։
Խոսքը կարող է լինել կոնտակտային տեղեկությունների մասին, ինչպիսիք են անունները, էլեկտրոնային փոստի հասցեները, հեռախոսահամարները և ամրագրման մանրամասները: Booking.com-ն ընդգծում է, որ որևէ ֆինանսական տեղեկատվություն չի տուժել:
Լրագրողները հայտնում են, որ տվյալների արտահոսքը հանգեցրել է խարդախ սխեմաների աճի:Հարցված փորձագետները զգուշացրել են, որ խաբեբաները ներկայանում են որպես հյուրանոցի աշխատակիցներ և փորձում են գումար շորթել ամրագրման խնդիրների քողի տակ:
«Ամրագրումների կոտրմամբ խարդախ սխեմաները գոյություն ունեն արդեն որոշ ժամանակ, սակայն այս նոր տվյալները դրանք դարձնում են շատ ավելի վտանգավոր, քանի որ թույլ են տալիս հանցագործներին ավելի ճշգրիտ որոշել գտնվելու վայրը, իրական ճանապարհորդության ամսաթվերը և ճիշտ կոնտակտային տվյալները՝ խարդախությունը ներկայացնելու համար որպես սովորական հաճախորդների սպասարկում»,- լրագրողներին ասել է Norton-ի անվտանգության փորձագետ Լուիս Կորոնսը։
Booking.com-ը կոչ է արել օգտատերերին զգույշ լինել ֆիշինգի ռիսկի պատճառով. ծառայությունը չի պահանջում բանկային քարտի տվյալներ կամ փոխանցումներ էլեկտրոնային փոստով, մեսենջերով կամ SMS-ի միջոցով։
Թարգմանությունը՝ Էմմա Չոբանյանի
