25.10.2026 | 21:45
Մեղրիի մի շարք բնակավայրերում ՔՊ-ն ստացել է ավելի քան 60%, Գորիսի 3 բնակավայրում «Համերաշխությունը»՝ 100%․ նախնական արդյունքներ
Իրանցի պաշտոնյան հայտարարել է, թե Լիբանանում այսօր գիշեր մեկշաբաթյա հրադադար կսկսվի
Քաղաքականություն
15.04.2026 | 20:26
Իրանցի պաշտոնյան «Հըզբոլլահ»-ին կից Al-Mayadeen լրատվական գործակալությանը հայտնել է, որ Լիբանանում այսօր գիշեր ուժի մեջ կմտնի հրադադարը։ Պաշտոնյայի խոսքով՝ այս քայլն արվել է Իրանի կողմից ճնշումից հետո, և հրադադարը կտևի մեկ շաբաթ՝ մինչև ԱՄՆ-ի և Իրանի միջև երկշաբաթյա հրադադարի ավարտը։
Միաժամանակ, իսրայելցի պաշտոնյան մերժում է Իրանի պնդումը, որ Լիբանանում այսօր գիշերը հրադադար է ուժի մեջ մտնելու։
«Լիբանանում հրադադար չկա։ Լիբանանի և Իսրայելի փոխադարձ շահերից է բխում «Հըզբոլլահ»-ի կազմաքանդումը»,- իր հերթին The Times of Israel-ին ասել է իսրայելցի բարձրաստիճան պաշտոնյան։
Իսրայելցի բարձրաստիճան աղբյուրը լրատվամիջոցներին հայտնել է, որ Իսրայելը նման հրադադարի հարցում չի ստացել։
Բացի այդ, հաղորդվում է, որ Իսրայելի վարչապետ Բենիամին Նեթանյահուի անվտանգության կաբինետը չորեքշաբթի՝ տեղի ժամանակով 20:00-ին (Երևանի ժամանակով 21։00-ին) կհավաքվի՝ Լիբանանում հնարավոր հրադադարի հարցը քննարկելու համար։
Թարգմանությունը՝ Էմմա Չոբանյանի
