26.06.2026 | 16:39
Ղրիմում և Սևաստոպոլում արտակարգ դրություն է հայտարարվել
Հենրի Ավագյանը ռեկորդ է սահմանել «Փյունիկում»
15.04.2026 | 19:17
«Փյունիկի» դարպասապահ Հենրի Ավագյանը Հայաստանի ընթացիկ առաջնության հանդիպումներում 608 րոպե շարունակ դարպասն անառիկ է պահել ու սահմանել ակումբային ռեկորդ, հաղորդում է «Փյունիկի» պաշտոնական կայքը։
Ավագյանի ռեկորդային շարքն ավարտվել է «Արարատ-Արմենիայի» դեմ նախորդ խաղում (0:2), որի 24-րդ րոպեին գոլ է բաց թողել 11-մետրանոցից։
Հենրի Ավագյանը գերազանցել է «Փյունիկի» նախկին դարպասապահ Գրիգոր Մելիքսեթյանի ռեկորդային ցուցանիշը, ով 2008 թվականին 600 րոպե շարունակ գոլ բաց չէր թողել առաջնության հանդիպումներում:
«Փյունիկը» ներկայացրել է ակումբի՝ Հայաստանի առաջնություններում դարպասն անընդմեջ անառիկ պահած րոպեների քանակով դարպասապահների լավագույն տասնյակը:
Հենրի Ավագյանը նաև դարձել է Հայաստանի առաջնություններում դարպասը 600 և ավելի րոպե անառիկ պահած 8-րդ դարպասապահը պատմության մեջ:
