26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Թրամփը հայտարարել է, որ Չինաստանը համաձայնել է զենք չուղարկել Իրանին
Քաղաքականություն
15.04.2026 | 20:57
ԱՄՆ նախագահ Դոնալդ Թրամփը հայտարարել է, որ Չինաստանը «շատ ուրախ է», որ ԱՄՆ-ն աշխատում է Հորմուզի նեղուցը բացելու ուղղությամբ, միաժամանակ, համաձայնվել է զենք չուղարկել Իրանին, գրում է CNN-ը։
«Չինաստանը շատ ուրախ է, որ ես բացում եմ Հորմուզի նեղուցը։ Ես դա անում եմ նաև նրանց համար, և աշխարհի համար։ Այս իրավիճակը երբեք չի կրկնվի։ Նրանք համաձայնվել են զենք չուղարկել Իրանին»,- գրել է Թրամփը Truth Social-ում։
Նա նշել է, որ մայիսին Պեկին կատարելիք իր ծրագրված այցի ժամանակ Չինաստանի նախագահ Սի Ցզինպինից «մեծ գրկախառնություն» է ակնկալում։
«Նախագահ Սին ինձ մեծ, ամուր գրկախառնություն կտա, երբ մի քանի շաբաթից այնտեղ լինեմ։ Մենք միասին խելացիորեն և շատ լավ ենք աշխատում։ Մի՞թե դա ավելի լավ չէ, քան կռվելը։ Բայց հիշեք, մենք շատ լավ ենք կռվում անհրաժեշտության դեպքում՝ շատ ավելի լավ, քան որևէ մեկը»,- գրել է Թրամփը։
Ավելի վաղ Դոնալդ Թրամփը հայտարարել էր, որ ինքը և Սի Ցզինպինը նամակներ են փոխանակել Չինաստանի կողմից Իրանին զենք մատակարարելու մասին հաղորդումների վերաբերյալ, և Չինաստանի առաջնորդը, «ըստ էության», իրեն ասել է, որ երկիրը «դա չի անում»։
«Նա պատասխանեց իմ գրած նամակին, քանի որ լսել էի, որ Չինաստանը զենք է տրամադրում Իրանին։ Ես նրան նամակ գրեցի՝ խնդրելով նրան դա չանել, իսկ նա ինձ նամակ գրեց՝ ասելով, որ, ըստ էության, նա դա չի անում»,- ասել է նա։
Թարգմանությունը՝ Էմմա Չոբանյանի
