Քաղաքականություն
15.04.2026 | 16:36
Թուրքիայի հարավային Քահրամանմարաշ նահանգում Այսեր Ջալիքի միջնակարգ դպրոցում զինված հարձակում է տեղի ունեցել։ Բազմաթիվ մարդիկ վիրավորվել են, հաղորդվում է մի քանի զոհի մասին, գրում են թուրքական լրատվամիջոցները։
Քահրամանմարաշի նահանգապետ Մուքերեմ Ունլուերը հայտնել է, որ զոհվել է 4 մարդ։ Նախնական տվյալներով՝ հարձակման հետևանքով վիրավորվել է շուրջ 20 մարդ։
«Մինչ այժմ անցկացված հետաքննությունների արդյունքում, ցավոք, մենք ունենք 4 զոհ։ Նրանցից մեկը ուսուցիչ է, իսկ երեքը՝ մեր աշակերտներ։ Մենք ունենք նաև 20 վիրավոր։ Վիրավորներից չորսը ներկայում վիրահատվում են»,- ասել է նա։
Իշխանությունները հայտարարել են, որ հարձակվողի ինքնությունը դեռևս պարզված չէ։
Արդարադատության նախարար Ակին Գյուրլեքը հայտարարել է, որ Քահրամանմարաշի գլխավոր դատախազությունն անհապաղ հետաքննություն է սկսել։
Հիշեցնենք, որ այս հարձակումը տեղի է ունեցել Շանլըուրֆայի Սիվերեկ շրջանում տեղի ունեցած միջադեպից ընդամենը մեկ օր անց, որի ժամանակ կրակողը վիրավորել էր 16 մարդու, ապա ինքնասպան եղել։
Թարգմանությունը Էմմա Չոբանյանի
