02.07.2026 | 15:39
Եվրոպա գնացող ՔՊ-ի մտքով ո՞նց է անցել այս կարգավորումը, որից աշխարհը հրաժարվում է․ Քրիստինե Վարդանյան․ ՏԵՍԱՆՅՈՒԹ
ԱՄՆ պաշտոնյաներն այցով Բաքվում են
Քաղաքականություն
15.04.2026 | 16:14
Ադրբեջանի արտաքին գործերի փոխնախարար Էլնուր Մամեդովը Բաքվում հանդիպել է ԱՄՆ Պետքարտուղարության տնտեսական, էներգետիկայի և բիզնեսի հարցերով բյուրոյի գլխավոր խորհրդական Ռեբեկա Նեֆի ու ԱՄՆ Առևտրի և զարգացման գործակալության (USTDA) ներկայացուցիչների հետ։
Ադրբեջանի ԱԳՆ-ի հաղորդմամբ՝ հանդիպմանը քննարկվել են երկու երկրների միջև ռազմավարական գործընկերության մասին խարտիայի իրականացման հետ կապված հարցեր, այդ թվում՝ էներգետիկայի և առևտրի ոլորտում համագործակցությունը, տարածաշրջանային կապի զարգացումը և տնտեսական ներդրումները։
Կողմերը մտքեր են փոխանակել տրանսպորտի, թվայնացման, արհեստական բանականության և այլ ոլորտներում հնարավոր նախագծերի, ինչպես նաև մասնավոր հատվածի ներկայացուցիչների մասնակցության վերաբերյալ։
Հանդիպման ընթացքում դիտարկվել է Ադրբեջանի կարևոր դերը տարածաշրջանի էներգետիկ անվտանգության ապահովման, Միջին միջանցքի շրջանակներում առևտրային ուղիների դիվերսիֆիկացման, երկրի բարենպաստ գործարար և ներդրումային միջավայրի, ինչպես նաև նոր կապեր հաստատելու հնարավորությունների վերաբերյալ։
Թարգմանությունը՝ Էմմա Չոբանյանի
