Թրամփը հայտարարել է, թե իրեն «չի մտահոգում» Վիկտոր Օրբանի պարտությունը Հունգարիայի ընտրություններում

ԱՄՆ նախագահ Դոնալդ Թրամփն հայտարարել է, որ իրեն չի մտահոգում Վիկտոր Օրբանի պարտությունը Հունգարիայի ընտրություններում, միաժամանակ, իրեն դուր է գալիս հաղթանակած Պետեր Մագյարը, գրում է Meduza-ն:

«Կարծում եմ՝ նորեկը լավ կաշխատի. նա լավ մարդ է»,- ABC News-ի թղթակից Ջոնաթան Կառլին ասել է Թրամփը։

Հունգարիայի խորհրդարանական ընտրությունների նախօրեին ԱՄՆ փոխնախագահ Ջեյ Դի Վենսը ժամանել էր Բուդապեշտ՝ Օրբանին աջակցելու համար (և ելույթի ժամանակ բեմից զանգահարել Թրամփին): Թրամփը ABC News-ի թղթակցին ասել է, որ չգիտի՝ արդյո՞ք իր անձնական ներգրավվածությունը քարոզարշավին որևէ բան փոխել է, բայց Օրբանը «զգալի հետ է մնացել»:

«Ես ներգրավված չէի այդ քարոզարշավում: Բայց Վիկտորը լավ մարդ է»,- պնդել է ԱՄՆ նախագահը։

Նա նաև նշել է, որ ապագա վարչապետ Պետեր Մագյարը նույնպես Օրբանի կուսակցության նախկին անդամ է եղել և նմանատիպ տեսակետներ ունի ներգաղթի խնդրի վերաբերյալ:

Հունգարիայում ընտրությունները տեղի ունեցան ապրիլի 12-ին: Վարչապետ Վիկտոր Օրբանը, որը իշխանության գլուխ էր 16 տարի, նույն երեկոյան ընդունեց պարտությունը և շնորհավորեց իր մրցակից Պետեր Մագյարին հաղթանակի կապակցությամբ. նա այժմ կդառնա վարչապետ:

Մագյարն արդեն հայտարարել է Ռուսաստանի հետ «պրագմատիկ համագործակցության» պատրաստակամության և այն մասին, որ Հունգարիան չի արգելափակի Ուկրաինայի համար 90 միլիարդ եվրոյի վարկը, որը Եվրամիությունը ցանկանում  է տրամադրել:

Թարգմանությունը՝ Էմմա Չոբանյանի