21.05.2026 | 21:12
Հունական դատարանն Ադրբեջանի քաղաքացուն դատապարտել է 7 տարի 1 ամիս ժամկետով ազատազրկման՝ ՆԱՏՕ-ի ավիաբազան լրտեսելու համար
Իրանը չինական ռազմական արբանյակ է օգտագործում՝ ԱՄՆ բազաները թիրախավորելու համար. FT
Քաղաքականություն
15.04.2026 | 15:28
Իրանի Իսլամական հեղափոխության պահապանների կորպուսը (ԻՀՊԿ) չինական ռազմական արբանյակ է օգտագործել ԱՄՆ ռազմական բազաները վերահսկելու համար՝ շարունակվող պատերազմի ֆոնին, հաղորդել է Financial Times-ը, գրում է DW-ն։
FT-ն, հղում անելով Իրանի ռազմական արտահոսած փաստաթղթերին, գրել է, որ ԻՀՊԿ-ն գաղտնի կերպով TEE-01B լրտեսական արբանյակը ձեռք է բերել 2024 թվականի վերջին։ Արբանյակն արտադրվել է չինական Earth Eye Co. ընկերության կողմից։ Ըստ FT-ի՝ ԻՀՊԿ-ն պայմանագիր ունի չինական Emposat ընկերության հետ, որը պատասխանատու է արբանյակին վերաբերող ցամաքային ենթակառուցվածքների համար։
Նշվում է, որ արբանյակը լուսանկարներ է արել Սաուդյան Արաբիայում, Հորդանանում, Բահրեյնում և Իրաքում գտնվող ԱՄՆ ռազմաբազաների տարածքում և շրջակայքում։ Լուսանկարների նկարահանումը համընկել է այդ ռազմական օբյեկտների վրա ԻՀՊԿ-ի հարձակումների ժամանակացույցի հետ։
Ի պատասխան FT-ի հոդվածի՝ Վաշինգտոնում Չինաստանի դեսպանատունը լրատվամիջոցին ասել է. «Մենք կտրականապես դեմ ենք Չինաստանի մասին շահարկող և ենթադրյալ ապատեղեկատվության տարածմանը համապատասխան կողմերի կողմից»։
ԱՄՆ նախագահ Դոնալդ Թրամփը նախկինում զգուշացրել էր, որ Չինաստանը կարող է «մեծ խնդիրների» բախվել, եթե Իրանին մատակարարի հակաօդային պաշտպանության համակարգեր։
Թարգմանությունը՝ Էմմա Չոբանյանի
