14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
ԵՄ-ի հետ հարաբերությունները խորացնելու հարցում վճռական ենք. Մհեր Գրիգորյան․ ՏԵՍԱՆՅՈՒԹ
Քաղաքականություն
15.04.2026 | 12:52
ՀՀ փոխվարչապետ Մհեր Գրիգորյանը ելույթ է ունեցել Հայաստան-Եվրոպական միություն քաղաքացիական հասարակության պլատֆորմի հերթական հանդիպմանը։ Նա իր խոսքում կարևորել է քաղհասարակության դերը, անդրադարձել երկկողմ ռազմավարական օրակարգին և տարածաշրջանային կապակցվածության ծրագրերին։
Փոխվարչապետը նշել է, որ ներկայում Հայաստանի և Եվրամիության միջև ակտիվ քննարկման փուլում են տարածաշրջանային կապակցվածության մի շարք նախաձեռնություններ։ Նա ընդգծել է, որ դրանք համահունչ են ԵՄ «Գլոբալ դարպաս» (Global Gateway) ռազմավարությանը և Հայաստանի կառավարության «Խաղաղության խաչմերուկ» նախաձեռնությանը։
Ըստ նրա՝ այս ծրագրերը միտված են խթանելու տարածաշրջանային կայուն զարգացումը և նպաստելու Հայաստանի ինտեգրմանը եվրոպական տրանսպորտային, էներգետիկ և թվային ցանցերին։
Անդրադառնալով Հայաստան-ԵՄ Համապարփակ և ընդլայնված գործընկերության համաձայնագրին (CEPA)՝ Մհեր Գրիգորյանը հայտարարել է.
«Վերջին տարիներին Հայաստանը և Եվրամիությունը արձանագրել են էական առաջընթաց հարաբերությունների զարգացման գործում։ ՍԵՊԱ-ի իրականացումը դարձել է մեր համագործակցության առանցքային հենքը։ Կառավարությունը շարունակաբար ձեռնարկում է թիրախավորված քայլեր ապահովելու համաձայնագրի արդյունավետ իրագործման ընթացքը»։
Նա հայտնել է, որ կառավարությունը թիրախավորված քայլեր է ձեռնարկում համաձայնագրի արդյունավետ իրագործումն ապահովելու համար և արդեն իսկ արձանագրել է առաջընթաց դատաիրավական բարեփոխումների, հակակոռուպցիոն քաղաքականության և հանրային կառավարման ոլորտներում։
Մհեր Գրիգորյանը վերահաստատել է, որ ԵՄ-ի հետ հարաբերությունները խորացնելու հարցում կառավարությունը վճռական է։
Մանրամասները՝ տեսանյութում։
