04.06.2026 | 20:39
Գերմանիան առաջին անգամ չի ընտրվել ՄԱԿ-ի ԱԽ ոչ մշտական անդամ․ դրա համար Բեռլինը մեղադրում է ՌԴ-ին
Ջավոխիր Սինդարովն ապահովել է Հավակնորդների մրցաշարի հաղթողի կոչումը
15.04.2026 | 11:33
Կիպրոսում ընթացող շախմատի աշխարհի չեմպիոնի Հավակնորդների մրցաշարի հաղթողի կոչումը ժամկետից շուտ նվաճել է ուզբեկ գրոսմայստեր Ջավոխիր Սինդարովը։
Նախավերջին՝ 13-րդ տուրում 20-ամյա շախմատիստը սև ֆիգուրներով ոչ-ոքի է խաղացել հոլանդացի Անիշ Գիրիի հետ ու միավորների քանակը հասցրել 9,5-ի։ Վերջին տուրից առաջ Սինդարովը երկու միավոր գերազանցում է երկրորդ տեղում գտնվող Անիշ Գիրիին։
Մրցաշարի մյուս մասնակիցներից Ֆաբիանո Կարուանան (ԱՄՆ) ու Վեյ Ին (Չինաստան) ունեն 6,5-ական միավոր, Մաթիաս Բլյուբաումն (Գերմանիա) ու Հիկարու Նակամուրան (ԱՄՆ)՝ 6-ական, Ռամեշբաբու Պրագնանանդհան (Հնդկաստան)՝ 5,5, իսկ Անդրեյ Եսիպենկոն (Ռուսաստան)՝ 4,5 միավոր։
Հավակնորդների մրցաշարում հաղթելու շնորհիվ Ջավոխիր Սինդարովը հնարավորություն կստանա համաշխարհային թագի համար պայքարել աշխարհի գործող չեմպիոն, հնդիկ Գուկեշ Դոմարաջուի հետ։
