07.08.2026 | 16:00
ԱՄՆ-ում դատարանը Мeta-ին պարտավորեցրել է 567 մլն դոլար վճարել սոցցանցերում երեխաներին պատճառված վնասի համար
ՀՀԿ-ն իր ներուժի ու փորձառության միջոցով շարունակելու է անզիջում պայքարը․ Տիգրան Աբրահամյան․ ՏԵՍԱՆՅՈՒԹ
Քաղաքականություն
14.04.2026 | 17:12
ԱԺ «Պատիվ ունեմ» խմբակցության քարտուղար Տիգրան Աբրահամյանը հայտարարում է, որ Հայաստանում ընթացող ընտրական գործընթացները չեն դառնում ծրագրային և գաղափարական բանավեճերի հարթակ, այլ վերածվում են վիրավորանքի, զրպարտության և անհավասար մրցակցության դաշտի։
«ՀՀԿ-ն իր համագումարյան բանաձևով արձանագրեց, որ մեր քաղաքական առաջնահերթությունը ինքնանպատակ իշխանություն ունենալը չէ, այլ Հայաստանի ինքնիշխանության, պետականության, ազգային արժեքների ու արժանապատվության, ժողովրդի անվտանգ և բարեկեցիկ ապագայի պաշտպանությունն է»,- նշեց Աբրահամյանը։
Նա նաև պնդեց, որ իշխանությունը փորձում է ընտրությունների արդյունքների համար նպաստավոր պայմաններ ստեղծել ոչ թե ազատ և մրցակցային պայքարի միջոցով, այլ քաղաքական հակառակորդներին մեկուսացնելու, վնասելու և նույնիսկ ազատությունից զրկելու ճանապարհով։
Մանրամասները՝ տեսանյութում։
