06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ռաֆայել Հարությունյան․ Իլյա Մալինինն իմ տեսած թոփ-3 գեղասահորդների մեջ է
14.04.2026 | 15:38
Ամերիկահայ անվանի մարզիչ Ռաֆայել Հարությունյանը կարծիք է հայտնել գեղասահքի աշխարհի եռակի չեմպիոն Իլյա Մալինինի մասին։ Հարությունյանը 21-ամյա ամերիկացի գեղասահորդի մարզիչն է։
«Իլյան շատ տաղանդավոր և խելացի մարզիկ է։ Նա ճիշտ հասկանում է, թե ինչպես պետք է օգտագործի իր տաղանդը։ Այս Օլիմպիական խաղերից առաջ նա լավ գիտեր, թե ինչ է ուզում վերցնել իմ ասածներից։ Եվ նա միշտ ընկալում էր ամենակարևորը. նա շատ հասկացող է։
Անկասկած, Իլյայի ֆենոմենն ունի գենետիկական բաղադրիչ. որոշ մարդիկ ավելի տաղանդավոր են, մյուսները՝ ոչ այնքան. դա կամ տրված է, կամ՝ ոչ։
50 տարվա մարզչական աշխատանքի ընթացքում տեսածիցս, և հավատացեք, ես տեսել եմ լավագույններից լավագույններին, նա տաղանդի առումով լավագույն եռյակում է։
Եթե նա որոշի շարունակել սահել, առաջիկա չորս տարիները բոլորովին այլ են լինելու։ Եվ ես պատկերացնում եմ, թե ինչ դժվարություններ են լինելու, իսկ նա՝ ոչ այնքան։ Բայց հենց դրա համար է երիտասարդությունը, քեզ թվում է, թե ամեն ինչ հասկացել ես։ Եթե նրանք գիտակցեին, թե ինչ է իրենց սպասվում, հավանաբար, կհրաժարվեին։ Եվ նրանք նետվում են դրա առաջ, սա է երիտասարդության գեղեցկությունը»,- մարզիչի խոսքը մեջբերում է Sports.ru-ն։
Հիշեցնենք, որ այս տարի Իտալիայում կայացած ձմեռային Օլիմպիական խաղերի տղամարդկանց մենասահքում Իլյա Մալինինը գրավել էր 8-րդ տեղը, իսկ թիմային պայքարում դարձել էր չեմպիոն։
