27.07.2026 | 14:56
Հայկ Կոնջորյանի եղբոր ծեծի գործով ևս մեկ անձ է ձերբակալվել
ՌԴ-ն ԱԹՍ-ներով հարձակվել է Օդեսայի մարզի Իզմայիլ նավահանգստի վրա
Քաղաքականություն
14.04.2026 | 14:22
Օդեսայի մարզի Իզմայիլ քաղաքում ապրիլի լույս 14-ի գիշերը ռուսական հարվածի հետևանքով վնասվել է Պանամայի դրոշի ներքո նավարկող քաղաքացիական նավ, հայտնել է տարածաշրջանի ռազմական վարչակազմի ղեկավար Օլեգ Կիպերը, գրում է Current time-ը:
Հարվածներից մեկը հրդեհի պատճառ է դարձել, որն արագորեն մարվել է։
Կիպերը հավելել է, որ վնասվել են նաև նավամատույցը, բեռնանավ և նավահանգստային սարքավորումներ։
Ռուսաստանի զինված ուժերն անօդաչու թռչող սարքերի միջոցով զանգվածային հարված են հասցրել Օդեսայի մարզի հարավային մասում գտնվող քաղաքացիական և նավահանգստային ենթակառուցվածքներին: Նշվում է, որ ոչնչացվել է սպասարկման կայան, այրվել է ուղևորատար ավտոբուս և յոթ մեքենա: Վնասվել է նաև վեց մասնավոր տուն, շենքերի տանիքները։
Հաղորդվում է, որ զոհեր կամ վիրավորներ չկան։
Ընդհանուր առմամբ, գիշերը Ռուսաստանի զինված ուժերը հարձակվել են Ուկրաինայի վրա չորս X-59/69 կառավարվող «օդ-օդ» հրթիռներով և 129 հարձակվողական անօդաչու թռչող սարքերով։ Չեզոքացվել է մեկ հրթիռ և 114 անօդաչու թռչող սարք, սակայն եղել են նաև հարվածներ։ Այս մասին հայտնել են Ուկրաինայի ռազմաօդային ուժերը։
Թարգմանությունը՝ Էմմա Չոբանյանի
