17.08.2026 | 16:54
Միլլենիալներ, Gen Z թե՞ Gen Alpha. ինչպե՞ս են տարբեր սերունդները պատրաստվում նոր ուսումնական տարվան. Idram&IDBank
ԱՄՆ-ի պատժամիջոցների տակ գտնվող չինական նավն անցել է Հորմուզի նեղուցը՝ չնայած ամերիկյան շրջափակմանը
Քաղաքականություն
14.04.2026 | 12:50
ԱՄՆ-ի կողմից պատժամիջոցների տակ գտնվող չինական լցանավը երեքշաբթի անցել է Հորմուզի նեղուցով՝ չնայած ԱՄՆ-ի կողմից շրջափակմանը։ Այս մասին են վկայում նավագնացության տվյալները։
LSEG-ի, MarineTraffic-ի և Kpler-ի տվյալները ցույց են տալիս, որ Rich Starry-ն առաջինը կանցնի նեղուցով և կլքի ծոցը շրջափակման սկսվելուց ի վեր։
Այս նավը նախկինում հայտնի էր որպես Full Star: Bloomberg-ը հաղորդում է, որ այն պատժամիջոցների ցանկում ավելացվել է 2023 թվականին՝ Թեհրանին էներգետիկ պատժամիջոցներից խուսափելուն օգնելու համար։
Գործակալությունը նշում է, որ սա վերջին 24 ժամվա ընթացքում լցանավի երկրորդ փորձն է՝ լքելու Պարսից ծոցը: Երբ ամերիկյան շրջափակումn ուժի մեջ մտավ, լցանավն ուղևորվում էր դեպի իրանական Ղեշմ կղզու մոտ գտնվող նեղ ջրանցք: Այնուհետև այն շրջվել է և մի քանի ժամ անց վերսկսել նավարկությունը՝ ազդանշան տալով, որ իր սեփականատերն ու անձնակազմը չինացի են: MarineTraffic-ի տվյալներով՝ այն նավարկում է Մալավիի դրոշի ներքո, սակայն այդ երկրի իշխանությունները հայտարարել են, որ իրենք չունեն նավագնացության պաշտոնական գրանցամատյան:
Մեկ այլ նավ՝ Elpis-ը, Օմանի ծոց է մտել Հորմուզի նեղուցով՝ ամերիկյան շրջափակումը սկսվելուն զուգահեռ: Bloomberg-ի հաղորդմամբ՝ Kpler և Vortexa հետևողական համակարգերի համաձայն՝ նավը կանգ է առել իրանական նավահանգստում, նախքան Հորմուզի նեղուցով անցնելու փորձը:
Թարգմանությունը՝ Էմմա Չոբանյանի
