14.04.2026 | 15:28
Սի Ցզինպինը Մերձավոր Արևելքում խաղաղության համար «չորս առաջարկ» է ներկայացրել
Նորբերտո Բալեկյանը գոլ է խփել տևական ընդմիջումից հետո․ ՏԵՍԱՆՅՈՒԹ
14.04.2026 | 11:42
Հայաստանի ազգային հավաքականի հարձակվող Նորբերտո Բրիասկո Բալեկյանն առաջին գոլն է խփել արգենտինական «Բարակաս Սենտրալի» կազմում։
Արգենտինայի առաջնության (Ապերտուրա) 14-րդ տուրում «Բարակաս Սենտրալը» մրցակցի խաղադաշտում 2։1 հաշվով հաղթել է «Էստուդիանտեսին»։
Բալեկյանը դաշտ է դուրս եկել մեկնարկային կազմում, 36-րդ րոպեին ստացել է դեղին քարտ, իսկ 3 րոպե անց խփել է հյուրերի երկրորդ գոլը։ 30-ամյա ֆուտբոլիստը փոխարինվել է 76-րդ րոպեին։
Նորբերտո Բրիասկո Բալեկյանն Արգենտինայի առաջնությունում նախորդ անգամ գոլի հեղինակ դարձել էր 19 ամիս առաջ։ Հարձակվողը հունվարին է վարձակալությամբ տեղափոխվել «Բարակաս Սենտրալ»։ Նրա տրանսֆերային իրավունքը պատկանում է արգենտինական «Բոկա Խունիորսին»։
