ԱՄՆ-ի կողմից Իրանի նավահանգիստների շրջափակումը սկսվել է

Արևելյան ժամանակով Ժամը 10:00։ Սա այն ժամն է, որը ԱՄՆ նախագահ Դոնալդ Թրամփը նշանակել էր որպես վերջնաժամկետ՝ Իրանի նավահանգիստներ մտնող կամ դուրս եկող նավերի նկատմամբ ԱՄՆ-ի կողմից պարտադրված ծովային շրջափակման մեկնարկի համար, գրում է BBC-ն։

Նավերը պետք է պատրաստ լինեն ԱՄՆ շրջափակմանը, զգուշացրել է Մեծ Բրիտանիայի ծովային առևտրի գործողությունների վարչությունը (UKMTO) նոր խորհրդատվական հաղորդագրության մեջ։ Ծովագնացներին  կոչ է արվում տարածքում գտնվող բոլոր նավերին «պահպանել իրավիճակի վերաբերյալ բարձր իրազեկվածություն» և որ պետք է հետևել ավելի կոնկրետ ուղեցույցների։

Նշվում է, որ մշակվում են ծովագնացների համար լրացուցիչ ուղեցույցներ այն մասին, թե «ինչպես են գործնականում կիրառվելու այս միջոցառումները, ներառյալ՝ երթուղիների, ստուգման և տարանցիկ փոխադրումների լիազորված արտադրողների վերաբերյալ»։

UKMTO-ն կոչ է անում Արաբական ծոցում, Օմանի ծոցում և Հորմուզի նեղուցից արևելք գտնվող Արաբական ծովում նավարկող բոլոր նավերին ակնկալել ռազմական ներկայություն և հնարավոր խափանում։

Մուտքի սահմանափակումները կիրառվում են առանց տարբերակման ցանկացած դրոշի ներքո գտնվող նավերի նկատմամբ, որոնք գործ ունեն իրանական նավահանգիստների, նավթային տերմինալների կամ ափամերձ օբյեկտների հետ։

Ակնկալվում է, որ լրացուցիչ պարզաբանումներ կտրամադրվեն հետագա ծանուցումների միջոցով, երբ տեղեկատվությունը հասանելի դառնա։

Թարգմանությունը՝ Էմմա Չոբանյանի