13.04.2026 | 19:41
Իսրայելն աջակցում է Թրամփի կողմից Իրանի նավահանգիստների շրջափակմանը. Նեթանյահու
Իտալական առաջատար ակումբներից մեկն ակտիվ բանակցում է Սպերցյանի տրանսֆերի շուրջ․ գործակալ
13.04.2026 | 18:19
Ֆուտբոլային գործակալ Դմիտրի Չելցովը Okko ալիքի եթերում հայտնել է, որ Իտալիայի Ա սերիայի առաջատար ակումբներից մեկը հետաքրքրված է ռուսական «Կրասնոդարի» ու Հայաստանի ազգային հավաքականի ավագ Էդուարդ Սպերցյանի ծառայություններով։
«Սպերցյանը հրաշալի տարիքում է, հունիսին կդառնա 26 տարեկան․ դա բավական հասուն տարիք է եվրոպական ակումբ տեղափոխվելու համար: Հիմա միակ հարցն այն է՝ արդյոք «Կրասնոդարը» բաց կթողնի նրան, թե՝ ոչ։ Խոսակցություններ եմ լսել, որ նա կարող է հեռանալ անհրաժեշտ գումարի դիմաց, ինչպես եղավ Մատվեյ Սաֆոնովի դեպքում։ Լսել եմ, որ Իտալիայում ակտիվ բանակցություններ են ընթանում կոնկրետ ակումբի հետ։ Լավ ակումբ է, որն առաջատար հնգյակում է»,- Դմիտրի Չելցովի խոսքը մեջբերում է Sport24-ը։
Էդուարդ Սպերցյանը «Կրասնոդարի» սան է, գործող պայմանագիրը նախատեսված է մինչև 2029 թ․ հունիսի 30-ը։ Transfermarkt-ը 25 միլիոն եվրո է գնահատում 25-ամյա կիսապաշտպանի տրանսֆերային արժեքը։ Ռուսաստանի ընթացիկ առաջնությունում հայ ֆուտբոլիստը մասնակցել է 24 հանդիպման, դարձել 11 գոլի ու 14 գոլային փոխանցման հեղինակ։
