25.10.2026 | 20:35
Լոս Անջելեսում ՀՀ գլխավոր հյուպատոսությունը հերքել է քաղաքացիներին ICE-ին հանձնելու մասին տեղեկությունները
Մակրոնը հայտնել է, որ Ֆրանսիան և Բրիտանիան քննարկում կկազմակերպեն Հորմուզի նեղուցում «խաղաղ բազմազգ առաքելության» հետ կապված
Քաղաքականություն
13.04.2026 | 14:57
Ֆրանսիան և Մեծ Բրիտանիան շուտով բանակցություններ կանցկացնեն Հորմուզի նեղուցով երթևեկության վերականգնմանը նպաստող «խաղաղ բազմազգ առաքելություն» ստեղծելու շուրջ։ X-ում գրառմամբ այս մասին հայտնել է Ֆրանսիայի նախագահ Էմանուել Մակրոնը։
«Առաջիկա օրերին Մեծ Բրիտանիայի հետ համատեղ կկազմակերպենք համաժողով այն երկրների հետ, որոնք պատրաստ են մեզ հետ միասին նպաստել նեղուցով նավարկության ազատության վերականգնմանն ուղղված խաղաղ բազմազգ առաքելությանը»,- գրել է նա՝ հավելելով, որ այն կլինի «խիստ պաշտպանական» և պատրաստ կլինի տեղակայվել, երբ «հանգամանքները թույլ տան»։
Մակրոնի հայտարարությունը հնչում է այն բանից հետո, երբ Մեծ Բրիտանիայի վարչապետ Քիր Սթարմերը հայտարարեց, որ Լոնդոնը չի աջակցի ԱՄՆ-ի կողմից Իրանի նավահանգիստների շրջափակմանը, որի մասին հայտարարել էր ԱՄՆ նախագահ Դոնալդ Թրամփը։
Թարգմանությունը՝ Էմմա Չոբանյանի
