06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Մեծ Բրիտանիան չի աջակցի իրանական նավահանգիստների շրջափակմանը. Սթարմեր
Քաղաքականություն
13.04.2026 | 14:40
Մեծ Բրիտանիայի վարչապետ Քիր Սթարմերը հայտարարել է, որ Լոնդոնը չի աջակցում Իրանի նավահանգիստների շրջափակմանը։ BBC-ի հաղորդմամբ՝ նա ասել է, որ Մեծ Բրիտանիայի արձագանքը կենտրոնացած է Հորմուզի նեղուցի բացման վրա, քանի որ «այդպես կարող ենք հնարավորինս արագ իջեցնել էներգակիրների գները»։
Հարցին՝ արդյո՞ք նա անձամբ ԱՄՆ նախագահ Դոնալդ Թրամփին է պատասխանատու համարում Մեծ Բրիտանիայի էներգետիկ վճարների վրա ազդեցության համար, Սթարմերն ուղղակիորեն չի պատասխանում։ Նա ասել է, որ «ամենակարևոր բանը», որը կարող է անել, երկրներին միավորելն է՝ լարվածության թուլացման և նեղուցի բացման կոչ անելու համար։
«Իմ կարծիքով, կենսականորեն կարևոր է, որ մենք բացենք նեղուցը և լիովին բացենք այն, և հենց այդտեղ ենք ներդրել մեր բոլոր ջանքերը և կշարունակենք դա անել»,- ասել է Սթարմերը։
Նա նշել է, որ Մեծ Բրիտանիան տարածաշրջանում ականազերծող նավեր ունի, սակայն հավելել է, որ դրանց տեղակայումը «կենտրոնացած էր նեղուցը լիովին բացելու վրա»։
ԱՄՆ նախագահ Դոնալդ Թրամփն ավելի վաղ հայտարարել էր, որ ԱՄՆ ռազմածովային ուժերը կսկսեն շրջափակել Հորմուզի նեղուցով նավարկել փորձող իրանական նավերը։
Թարգմանությունը՝ Էմմա Չոբանյանի
