26.10.2026 | 17:41
Գերմանիան պատրաստվում է գնել Ուկրաինայում մշակված «Բարս» հրթիռները․ FT
Տարածվող լուսանկարը կեղծ է․ Փաշինյանը չի եղել իրական լուսանկարում
13.04.2026 | 13:02
Ցանցում տարածվում է կեղծված լուսանկար, որում, իբր, Նիկոլ Փաշինյանը դռան հետևից նայում է մեկ այլ սրահում հավաքված Ռուսաստանի, Ադրբեջանի, Բելառուսի և Ղազախստանի նախագահներին։ Տպավորություն է ստեղծվում, թե Փաշինյանը դուրս է թողնվել քննարկումից և հեռվից է հետևում։
Լուսանկարի օրիգինալ, իրական տարբերակը հրապարակվել է 2023 թվականի մայիսին։ Եվ այդ օրիգինալ տարբերակում դռան հետևում կանգնած է այլ մարդ, որի արտաքինը հստակորեն տարբերվում է Փաշինյանից։
Լուսանկարն արվել է ԵԱՏՄ գագաթաժողովի ժամանակ, Մոսկվայում։ 2023-ին այն ավելի շատ տարածվել է հենց ադրբեջանական լրատվամիջոցներում։ Դրանում ներկայացված է ոչ պաշտոնական զրույցի հատվածը։ Իսկ բուն միջոցառմանը մասնակցել են նաև ՀՀ վարչապետ Նիկոլ Փաշինյանը և Ադրբեջանի ղեկավար Իլհամ Ալիևը, վերջինս՝ հյուրի կարգավիճակով։
Կեղծված լուսանկարը հիմա տարածվում է հայկական տիրույթում՝ Փաշինյանի կեղծ պատկերի ընդգծմամբ։
Գարիկ Հարությունյան
